المساعد الشخصي الرقمي

مشاهدة النسخة كاملة : (كـثـر الحسايف)

العميري
10-02-10, 01:39 AM
بسم الله الرحمن الرحيم
السلام عليكم ورحمة الله وبركاته


ماينفعك يانفس كثر الحسايف=مافات مات من الجروح الكليفه
مادمت حي الله يجيب الخلايف=اطردهوى قلبي وذوقه وكيفه
متعود ارقى كل مرقاب نايف=عيني عن المرقاب ماهي كفيفه
الرمح وحداد السيوف الرهايف= مايمنعني يالجبال المنيفه
ياطارد الهاجوس عن قلب عايف=القلب في المرقاب يكثر رفيفه
ودي نسيم العاليات النوايف=مرقاب ذيب في شتاه ومصيفه
ياذيب مالك بالخلا من ولايف=وحدك تشيل اثقالها والخفيفه
جر العوا ياذيب روس العرايف=اقنب قنيب اللي مفارق وليفه
ياذيب مثلك ذيب هذا انت شايف=غدر البشر خلى عصا العود سيفه
اصبر الى حافك من الهم حايف=اصبر لعل الهم قفى خريفه
الصبر زين لطاردين العسايف= ومن لاصبر عود بنفس كسيفه



مع التحيه
حماد بن عياد الشامي
نديم الشمال
10-02-10, 01:42 AM
ياذيـب مثـلـك ذيــب هــذا انــت شـايـفغدر البشر خلى عصا العود سيفه


من طول الغيبات جآب الغنايم

وشلونك وشلون شايبكم يالله عساكم بخير
العميري
10-02-10, 01:49 AM
يسلم لي قلبك ياابو احمد
نورت متصفحي وابشرك اني شايبنا بخير
وانا بخير دامك بخير بس انت وش اخبارك وكيف علومك
وكيف الاخوان احمد وعبدالله ان شاء الله انهم بخير
وسلم لي عليهم ياابواحمد
تحياتي يانديم الشمال
نديم الشمال
10-02-10, 01:54 AM
يسلم لي قلبك ياابو احمد
نورت متصفحي وابشرك اني شايبنا بخير
وانا بخير دامك بخير بس انت وش اخبارك وكيف علومك
وكيف الاخوان احمد وعبدالله ان شاء الله انهم بخير
وسلم لي عليهم ياابواحمد
تحياتي يانديم الشمال

والله انا بخير مادآم الي شرواك بخير

وياطويل العمر انا والآتي الاخير

لفينا السعوديه

والحين بالرياض

ماتفارق غالي

يآآآآآغالي
ابو ريماس
10-02-10, 02:43 AM
اشهد أنك ذيب يالعميري

وصح لسانك على هذهِ النائفة العملاقة

ودمت بود

ابو ريماس
طير السعد
10-02-10, 03:20 PM
صح لسانك ياحماد كفيت ووفيت
مبدع كالعاده وتسلم يالذيب
تحياتي
عبيرالورد
10-02-10, 11:08 PM
صح الله لسآنك ..
وعلا شآانك

قصيده حسيّـهـ مرهفهـ
بكل شطرِ من أبيآتها
معنىً مختلف

ْ
ْ
كل الشُّكر وأكثر
الفريجي
14-02-10, 12:44 AM
صح لسانك شاعر مبدع

تحيتي لك
مسلم العميري
14-02-10, 09:48 AM
اصـبـر الــى حـافـك مــن الـهـم حـايـف00اصــــبــــر لــــعــــل الــــهــــم قــــفـــــى خـــريـــفـــه
الــصــبـــر زيـــــــن لــطــارديـــن الــعــســايــف00ومــــن لاصــبـــر عـــــود بـنــفــس كـسـيـفــه
ياسلام على حبك القصيد وانصاف المعنى
وسهولة اللفظ وعمق المحتوى.
احب الشاعر الذي يضع بارقة امل..
صح لسانك’’’’
عايد ربيع الحويطي
17-02-10, 11:31 PM
والله يابن عيد نص
مهو اي نص
جزاله ابداع انطلاق
لله درك
الهايم
18-02-10, 09:02 PM
يعطيك العافيه قصيده في غاية الروعه
الحاكم
19-02-10, 11:37 PM
ابن عياد

كالعادة الابداع يلازمك اينما رحلت

صح لسانك مليووون

شاعر ماتجيب غير الجزله

تحياتي لك".
ابو منار
21-02-10, 11:33 AM
نص جميل يتضح به النضج الشعري في بناء الصوره الجماليه ويتميز بسلاسة المفرده وترابط القصيده شكرا لك ايها المبدع وتمنياتي لك دوام التوفيق
سمية الظبي
25-02-10, 06:52 PM
ماينفعك يانفس كثـر الحسايـف *** مافات مات من الجروح الكليفـه



قصيده رائعه وأبداع واضح


لاهنت
مطلق العيد
27-02-10, 12:11 AM
صح لسانك ياحماد

وين الغيبه

شهادتي انا وخالي مجروحه فيك

الله يوفقك

تحياتي لك
عظيم إحساس
27-02-10, 12:20 AM
صح لسانكـ
قصيده جزله تسلم يمينكـ