قلبي على عيش البداوه شفاوي

[هداج]

والرّجل لو عيشه بربعه ظماوي= وعن مارده ردّه خوال وعموّه
أخير له يبعد نجيعه جلاوي = عيش الشرف لو عيشته مع عدوّه

.
.
.





قلبي على عيش البداوه شفاوي = ‍ولاّ على عيش الحضر ماش قوّه
كنّه بصدري بين الاضلاع حاوي ‍=روض الفياض ورشه الوسم توّه
وأسج في فجٍ عذيٍ خلاوي ‍ = عندي أخير من العماير خلوّه
هذا رعى ذوده وهذا .. شواوي= ‍ومن بينهم عود الغضى شب ضوّه
في خايع والذيب بالضلع عاوي ‍=وأنا أتقارب جيرتي له بخوّه
ودّي لو إنّه يسمتع للشكاوي = وأعاهده في شيمة ٍ ماتسوّه
تهون في نفسي كبار البلاوي = وأبعد عن إقلال السعد والمروّه
أللّي يزيدون الحكي بالحكاوي ‍=ونفوسهم بالهرج منه إتموّه
والصمت ملبوس الفطين الذكاوي= ‍ لامن بدت له كلمةٍ ماتفوّه
يحسب مداها حسبته للخطاوي ‍ ‍ = أما أثبتت ولاّ تدربت بهوّه
والطيب ماتشيله متون الرخاوي = ‍ودّه صليب الراس عالي سموّه
كالحر يشلع فالخضيرا جــلاوي ‍ = الأرض دون وعالي الجو جوّه
‍والرّجل لو عيشه بربعه ظماوي =‍ وعن مارده ردّه خوال وعموّه
أخير له يبعد نجيعه جـلاوي = عيش الشرف لو عيشته مع عدوّه

سالم العماوي

[عبدالله الموسي]

اخوي هداج

صح لسانك على هذهِ القصيدة الجزلة

ومن عادتك ماتجيب الركيكة يالعماوي



تحياتي وننتظر جديدك

[مطلق العيد]

شهب تتطاير هنا وهناك

الله عليك ياهداج

واعذرني على التعديل

لان هذه الرائعه يجب ان لايشوبها شي

واحلى تقيييييييم

تحياتي لك

[هداج]

كنت اتوقع قيامكم بحذف المقدمه ..

لن أعذرك يا مطلق العيد على تعديل المقدمه
حتى ترسل لي بأني عضو غير مرغوب فيه في المنتدى .
ياليتكم من البدايه قمتم بحذف سب وقذف عباد الله .
وجزاكم الله خير

[عبدالله الموسي]

كنت اتوقع قيامكم بحذف المقدمه ..

لن أعذرك يا مطلق العيد على تعديل المقدمه
حتى ترسل لي بأني عضو غير مرغوب فيه في المنتدى .
ياليتكم من البدايه قمتم بحذف سب وقذف عباد الله .
وجزاكم الله خير

اخي هداج
اهداء قليلاً

انا ذيلت ردي السابق بالآتي

حبذا لو ما بدأت بهذه المقدمة لأننا نعمل الآن على تبخير هذا المكان لنعيدهُ الى سابق عهدك به

ومن ثم رجعت مرتاً اخرى ووجدت ان المقدمة بالفعل تم حذفها وتوقعت انهُ انت من قام بتعديلها والأستغنا عنها استجابتاً لطلبي وبعدها عدلت ردي ايضاً


وبعد أن قرأة رد مشرف القسم مطلق العيد تبين لي بأنه هو من قام بتعدل المشاركة وهذا من حقوقة كمشرف قسم ولاكن وجب عليه التنوية ايضاً عن سبب التعديل وان لايقوم بذالك في حال يرى ان التعديل يسبب اشكاليه لصاحب المشاركة طالما ان ماتم تعديله قابل للأخذ والرد وهناك مجال لإتاحة الفرصة لصاحب المشاركة الأساسية بتعديل ماتراه الإدارة غير مناسب،،

اما موضوع انك غير مرغوب فيك فأرجوا ان لايتخيل لك ذالك نهائياً فانت من ابناء القبيلة والموقع لي ولك وللجميع وليس حكراً لأحد
ومن اجل ان اثبت لك ذالك وأن كنت ترى بنفسك الأستعداد لما سوف اكلفك بهِ فسأوليك مهام المراقبة العامة على الأقسام الأدبية عامة او الأشراف على احد اقسامها من هذه اللحظة،،

[هداج]

الكلمتين اللي كتبتهم قبل الأبيات في موضوعي لم تتجاوز شروط وقوانين
المنتدى أو التقليل من أحد إنما العكس من ذلك كانت للتذكير بالإحترام
الذي فقد في الآونه الأخيره والحد من المهاترات وظلم الناس.
وليس من حق أحد أن يحذف أي حرف في موضوعي دون الرجوع إلي ّ. إذا مااستطاع يقنعني يتركني بحالي أو يحذف مشاركتي كامله ..
شاكر ومقدر للناس اللذين التقيناهم هنااا وعسى نلتقي على خير.

[مطلق العيد]

اخي هداج انا اسف على التعديل وابشر يالغالي تبغى نرجعه

بس انا شفت انها تنقص من القصيده ولاتضيف لها

واللي يسب الناس ويقذفها الله حسيبه ماعندي خبره

انا اسف مره اخرى وتحياتي ياصاحبي

[فيصل سليم الدبر]

هداج


قصيده جميله و معاني لها نصيب من الابداع

صح لسانك على هذا النص الوافي

[العميري]

هداج مبدع كعادتك
لاهنت وصح لسانك
مدد ودمت كما عهدناك
تحياتي

[رحالـ]

صح لسانك اخي

هداج

على هذهِ الجزلة

ودمت بود