عسى مفارق خير واختامهـا مسـك

[عناد الرواد]

آخر عناقيد العنب صـارت ابعيـد=وانتا تدّلـى لـي ولا قـادر امسْـك
احلام فالمشمش على وجـه تحديـد=ما تنسمع لو جيـت قدامـك اهمسـك
بس القناعه تجبـر الواحـد ايعيـد=وانا اعيد حروف البيوت واطمسـك
فيني غرور وكل مـا مالـه ايزيـد=مدري بدّمان الطواوييـس ابغمسـك
قيثارتـك نفـس النغـم والاناشيـد=لاطاب مسرى الليل ولا طاب ملمسك
يعنـي قضيتنـا قضيـة مواعـيـد=قلبك ضعيف وعاجز انـي احمّسـك
يالعن ابو غيرك تشـوف الحواسيـد=ودك تشمّتهم وانـا اللـي منومسـك
وتبني على قبـري خيـام الهرابيـد=وانا أحاول شمسنـا مـا تلامسـك
عشتك بزفرات الحـزن والتناهيـد=وآعيش بك واشرب معاك الالم سك
هي خارطـة احلامنـا والتساهيـد=حلـم ٍ يعومسنـي اظنّـه يعومسـك
اذا تفارقـنـا فــراق العناقـيـد=عسى مفارق خير واختامهـا مسـك

[خاطب الحور]

يعطيكـ العافيه شاعرنا وضيفنا القدير عناد

مبدع كالعاده

مانريده هو إستمرار هذا الإبداع


مودتي

[الآتي الأخير]

مبدع شاعرنا القدير و قصيدة جزلة جدا و جميلة المعنى و البناء
تقبل تحياتي

[عناد الرواد]

لا هنتم على المرور شكرا للجميع

[مطلق العيد]

صح لسانك ياعناد

راعي جزل دوم

اعجبني صياغة القصيدة متمكن يالرواد

تحياتي لك

[حبيبة]

تركت جميع المتصفحات
وتوجهت هنا
لعلي اخترت هذا الجمال لامتع به ناظري

(يقلون من طول الغيبات جاب ... )

عناد

لعودتك طعم آخر
(غبت وجبت ولاهنت)
هُنا فقط في متصفحك كانت عودتي انا ايضاً
هنا،، ستكون العودة لي مختلفة،،
هنا.. سيكون سكني وبه أستكين ،،
هنا ،،سأشكر الله انه لازال نبض قلمك فيه ينبض ،،
هنا .. سأتابع بصمت ولن أكف عنه فكيف يكون،،؟
للشعر نبض .. وانت نبضه .. فهنيئاً له بك ؟

تابع والله لايضرك بشر


تلال ورد لك مني

[عناد الرواد]

شكرا حبيبه لنبل مشاعرك

يشرفني مرورك وتعليقك

ورده لقلبك