تعب قلق ارهـاق خـلى الوضـع داق

[عناد الرواد]

مثل الضباب اليا اكتنف روس الاشهاق=انتـي اكتنفتـي دم قلبـي وروحـي
ومثل الحمام يعانـق الصبـح بعنـاق=انتي عنقـاك غيـر ويعيـد نوحـي
من نون عينك ليـن بتـلات الامـاق=غموض يجبرنـي اشـكّ ابوضوحـي
خوذي احاسيسي على وجه الاطـلاق=لتقيديهـا بيـن صمـتـي وبـوحـي
تجـاوزي حبـري وترتيـب الاوراق=وتناثري مثل الزهـر فـي اسفوحـي
حنا وصلنا مرحلـة قطـع الاعنـاق=والخافي اعظم لو سألتـي جروحـي
قد قيل: خالف تعرف اتعيش مشتـاق=واقول خل الشـوق اذا هيـب توحـي
غيـري بيعطيهـا معـزه وميـثـاق=ولّـى انـا ملـزوم اكبـح جموحـي
تعب قلق ارهـاق خـل الوضـع داق=وشّ اكثر من الحزن يهدم صروحـي
المشكلـه مـع اختـلافـات الاذواق=انتي طموحك مـا يناسـب طموحـي
قولي لنفسك: هو بقـا شـي ينطـاق=روحـي ولا بنـدم اذا قلـت روحـي
لـدّي مـع الشبـاك للتـمّ الاشفـاق=الليل يسعف ما بقـا مـن جروحـي

[نديم الشمال]

ومثل الحمام يعانـق الصبـح بعنـاق
انتي عنقـاك غيـر ويعيـد نوحـي

وين عقلك ماشي ورى قلبك ياعناد

خربت العنآآآق

شوف خطأك الأملائي الفادح

[مطلق العيد]

مثل الحمام يعانـق الصبـح بعنـاق
انتي عنـاقك غيـر ويعيـد نوحـي

صح لسانك ياعناد

رائعه من روائعك

لاعدمنا هذا الحظور

تحياتي لك

[عناد الرواد]

نديمنا الشمالي

لا تزعل

شعرنا ومشرفنا الرائع صحح الخطأ الاملائي

بيض الله وجه الشاعر مطلق العيد