صرخة وطن

[خليل بن لافي]

اسمع صدى صرخة وطن يتبع صدى الصرخه ونين=صرخه جريحه خيبت صم الاذان امالها
تكفين ياقلب العرب يامحجر العين الحزين=ياطفلة عانت من الظلم الكبير لحالها
يادرة ضاعت كذا تسلب من كفوف اليدين=نشوفها توهج على جيدن وهو نشالها
الله يجير اللي بقا من جوهر العقد الثمين=اللي تناثر حبها يوم انقطع سلسالها
قصت ظفايرها حزن وازرت من الحال المهين=امن تباع وتشترى واللي جلبها عيالها
لاتحتري فيناصلاح ولاعمر لاتحترين=حنا حمامات السلام بما عليها ولالها
يادار ماهنتي ابد لاكن جدا المستضعفين=يبكو شظايا امة طاحت ولاحدن شالها
يااعز مانملك خذي ما في يدينا وارجعين=يفداك جيلن ماعطا الا القليل لجالها
بصدورنا مالايطاق جروح والام وحنين=ومتون ماتقوى تشيل من الحمول ثقالها
يالله دخيلك من ظلام الليل وطوال السنين=وامال تبطي بالصدور تموت من غربالها
وش ذنب جيلن قلدوه اوزار عصر المفسدين=جيلن جرع مر الهوان بكاس مايقوى لها
تنهب فلسطين العرب في كل وقت وكل حين=المهره اللي يستباح عنانها وجلالها
منهو لها يرمي اللثام ويحيي المجد الدفين=يروي السيوف اللي ظمت دمن يحل الا لها
مثلي مثل باقي العرب لاكبر طموحاتي رهين=ماتموت امه انجبت عبر العصور ابطالها

[مسلم العميري]

صح لسانك بن لافي ويعطيك العافيه
وان شاء الله يأتي من هو مثل صلاح
او عمر الفجر سيبزغ نوره والنصر
قادم لامحاله لكن ذالك بعد اصلاح النفس
لاهنت على هذا النص البليغ,,,

[عاشق الادب]

والله لو كان في الأمة من يشحن الهمة ماكان هذا حالنا والله اننا نترقب راية الجهاد ونطلب الله جل وعلا أن يرسل لنا من يرفع هذه الراية فلسطين نفديكي بأرواحنا فلسطين سيأتي يوما لترفعي علم لا اله الله محمد رسول الله خفاقا في ساحات العز والشرف في يوم نقول لربنا فيه اللهم خذ من دمنا حتى ترضى ...... أشكرك أيها الشاعر الفارس أخترت فأحسنت الأختيار ونثرت همة لا ترى في معاهدات الذل والهوان .......

[الوصيف]

قصيدة فاخرة تعزي الأمة في ماوصلت اليه
خليل ابن لافي ... تشرفنا بشخصك وشعرّك

تقبل مروري في هذه العجاله