محاوره شعريه : من بيتين أوأكثر ما بين الأعضاء

[إحــســاس شــاعــر]

السلام عليكم ورحمة الله وبركاته

أخواني أطرح لكم هذا الموضوع : وهوعباره عن محاوره شعريه بين الأعضاء تتكون من بيتين أو أكثر وأول من يكتب

أبياته تستمر القافيه والذين بعده يستمرون على هذه القافيه إلى أربع مشاركات وبعده يستطيعون تغيير القافيه ....

**وهذا الموضوع : الفائده منه أن يمارس الأعضاء الذين لديهم موهبة الشعر وبذلك يستفيدون من بعضهم البعض أتمنى

التفاعل من الجميع .....(( تحياتي لكم إحساس شاعر))...........................


بسم الله الــــــرحمن بعد السلامي ............. بطرح لكم يأخوان فكره جديده

فكره شريفه والهدف منها سامي...............فكرة محب والشعر هو.. رصيده
أبغا تفاعل يأأخوان

[بــعــيــد الــهــقــاوي]

هلا وغلا باخوي إحساس شاعر ,,,,

فكره رائعه جدا ,,,,

والأروع أبياتك الل تنقط عسل,,,



ياهلامرحبا ترحيبه بعطر الكلامي .................. أهل الكرم والعز والطيب والجود

[بارق الحسين]

الله عليك فكرة رائعة أخوي أحساس

بســمه اللي ما تنام عينة الكريم العالي
...............................................أوصل سلامي لولد الطقــــــيقات والأخوان
الله يحميكم يا حويطات يادار العز غالي
.............................................. ياأحساس لكم الأحترام والود من ولد علوان

[إحــســاس شــاعــر]

يابن عــــلوان فيك غنيت موالي............ واليوم يابارق ترى صاحبك طربان

ارسل مراسيلك ويجيك مرسالي............. ودي أتونس ياليحي ياليحــــان

[بــعــيــد الــهــقــاوي]

سلام مني للي قدرهم بالقلب عالي............ سلام معطر بالشيح والنفل والبعيثران
تجيك المراسيل من غربها والشمالي.......... وتشعل الفتيل وتــولــع الــنيــرااان


ولعوهاااااا يارجال

[إحــســاس شــاعــر]

حي أبو ثامر يومه اللحين جاني ................الشاعر اللي للقـــاف ...مــيزان

ياشيخ معرب الجد والسيساني................. حط الحجر وللملعبه حط سيسان



سررررى اليل

[الآتي الأخير]

جيتكم يا صاحبي و البحر قدامي
.............................................. و الخاطر المجروح ينزف من وريده
جيتكم على المعنى و القاف ظامي
............................................. يشرب من كدرها و المسافة بعيده

[الآتي الأخير]

اصبر يا احساس انا جيت على الحرف الاول

[إحــســاس شــاعــر]

جيت أثبت سيســـــانها والأركاني.......... أكتب ولاني المري ولا بن مشعان

أنظم..أبياتها الاول ورى الثاني...........الشعر هو فخرنا على طــول الأزمان

[إحــســاس شــاعــر]

تخير على كيفك يارفيع المـــــقامي........... من حروفها والقوافي اللي تريده

ودنا نولعها وكلن عن حاله محامي........... القاف ساخن والمعاني شـــــديده

[الآتي الأخير]

فيك البقا و النقايا يا ذرب الايماني ............... يالشاعر الموهوب يا نسل عدنان

جتك الرسايل و عذبات المعاني ....................... طيبها في جوفها يا طير حوران

[إحــســاس شــاعــر]

الشعر هوايتي وهو كل أحــلامي............. عشقه يسري مع الدم في وريده

مثل أبوخدود حمرا والعرق شامي.............. عشقه عذاب يشعل بالقلب ويقيده

[الآتي الأخير]

خلافي ارض المعركة و البحر قدامي .................. و انا كيف بعض القول ودي اعيده

يا شاعر الاحساس هبيتني من منامي ................. عسى ايامك بالفرح تصبح مديده

[الآتي الأخير]

انت حر تشهر في وقت الحيامي .................... و كل طير في جوك تصيده

ترد المنايا و لاتهاب العسامي ................... تصوم الشهر و تفرح يوم عيده

[إحــســاس شــاعــر]

هذا هوى قلبي وفخرنا يابن الاعمامي........الشعر يبقى وعزي لمن هو رصيده

جيت ولك شكري والتحيه مع سلامي..........يامالك الحرف وللقاف ســــيد سيده

[إحــســاس شــاعــر]

ياحر من نسل شيوخ رافيعن الأعـــلامي........ عزيز على اللذي في شوفتك عيده

أجمع أرقامك تلقى الناتج أرقامي........ ......نفس الفكر ومشاعرنا........ وحـيده

[الآتي الأخير]

جيت لك و بعض العرب للعدامي .................... نفسه على ظيم الليالي زهيده

متنومس بالقذلة و جديد هندامي .............. و في واجب الضيفان الله لا يعيده

[الآتي الأخير]

ما به شك يا سنايدي يالرجل العصامي ..................... مثلك و شرواك ما تحبل له مكيده

في يمناك مصقولة ٍ في كف رامي ............................. و كل جــزل يا ولد عمي تصيده

[إحــســاس شــاعــر]

بحضوركم اليله ترى البـــــــال زاني.......... أبياتكم دسمه والمعاني فريده

حي الحضور ومنهو للمحاوره جاني............ الكل يشارك لو الشعر مايجيده

[إحــســاس شــاعــر]

ياعزوتي ياخوي ياعقب الكرامي ........... لك بالقلب قصر كمـــــلت تشييده

ياعضيدي بمقابلك ترى الحظ قامي.........تخير على كيفك والقوافي عديده

[الآتي الأخير]

جزلات المعاني في طيبكم لها عنواني .............. و من حاربك يا النشمي ما له شريده

بيمناك سيف الجزالة و بيسراك ثاني ................. محتمي صهيل الحرف حزت هديده

[الآتي الأخير]

غير من عندك و ابدا المعني يا راعي المعاني

[إحــســاس شــاعــر]

يابن عمي يا عقيد شيوجها والأركاني........... شرواك حر وفعايله دايم وكيده

وصلت قمتها وبروسها شيدت المباني............ياشيخ بالعوالي رافع الرايات بيده

[إحــســاس شــاعــر]

بديت القاف ونوب نخـــطيه ونوب نصــــيبه ..............الشعر بحره غزيز وموجه يصعب ركوبه

حي اللـــذي في فعايله ماتلـــحقه عيبــه .......... رجـل لاهرج بين الملا كلمــته محـــسوبه

[الآتي الأخير]

ما عليكم زود يا حماة العلم و النظامي .............. يا ملبس الطاغي كلبشه و قيده

يا العيون الساهرة يوم الكل نامي .................... يا درع الجزيرة و سيفه و فيده

[إحــســاس شــاعــر]

حياك يابن عمي ياعريب المناســـيب............ اجدادانا للمجد بأفالهم وصلوا دروبـــه

هذي حروفي تاصلك مني في مكاتيب........... والعذرمن شاعر بالقاف بادي ودوبـه

[الآتي الأخير]

سلام ردية في داخله طيب و وفا وتراحيب ............ للشاعر اللي يزهى على الطيب طيبه

خذ يا قلم وسطر من غريب الى غريب .................. على وضح النقا تاصل للديار الغريبه

[إحــســاس شــاعــر]

ياصاحبي شبت بداخل ضميري لواهيب...........تصلي غريب بالجوف عايش دون محبوبه

البعد شـــــــين ومعذب صاحبك تعذيب..........يشكي عذابه ويرسل ولاجاه... رد مكتوبه

[الآتي الأخير]

عسى ربي يجمع حبيب مع حبيب ........... و يلم شمل قلوب صلاها البعد و لواهيبه

يا صاحبي اصبر و فرج ربي قريب ............. يا جعله يهتني بك و جعلك تهتني به

[إحــســاس شــاعــر]

انشهد انك شاعر يركب القاف تركيب............. شاعر متمكن ويبني على الساس طوبه

ينظم أبياته ويهذب حروفها تهذيب...............شيخ تشيخ بفعله والأصايل دوم مركوبه

[الآتي الأخير]

لو عندنا حزمة ترى عندكم مصاليب ............... يالشاعر اللي بيوته كل يوم تزايد عذوبه

في بحركم نرسي محبة ثم نرسي طيب ............... طيب على طيب و كل العرب يدروا به

[بــعــيــد الــهــقــاوي]

ياعزوتي ليا عوى الذيب للذيب ....... يزيل هموم فوق الأكتاف محموله
أنا أشهد ان هقوتى به ماتخيب ......... ولا ظنتى انه من الجهال يطوله

رد بسيط

[إحــســاس شــاعــر]

ياأبوثامر مرماك بالأهداف دايم يصيب.................و مايصب إلا من مراميه محــسوبه

ذيب تمـــــيز بالفراسه من ظهـــر ذيب................ في مغازيه كسبان في كل نوبه

[إحــســاس شــاعــر]

اللي لفانا باالطيب نلفيه بالطيب................. يلفى علينا ومن صفر الدلال مشروبه

في مجلس يحوفه رجال هباهيب .............. وفنجال الغلا موزون بالحلى والعذوبه

[بــعــيــد الــهــقــاوي]

أكتب من هاجسي زين المكاتيب ............ و من خيالي عذب الكلام أقوله
الهم بداخل القلب نيران ولواهيب.............. والبال يعجز ببعض كلامي يقوله

[إحــســاس شــاعــر]

يااصحابنا الكل يكتب ويسوي تجـــاريب................عزي على شــاعر كل درب يجوبه

الشعر فن ويحتاج له ممــــارس وتدريب ....... والموج مايصعب على السباح مركوبه

[بارق الحسين]

سمعتكم يا رفيقي والقلب مستصيب
.......................................... والعــــــــــقل عذربي في سؤاله
سمعت منك ومنه يا راعي الطيب
......................................... جزل الكلام والشعر ماغيري بداله

[بارق الحسين]

حلفت لكتب لكم ياأحساس والأتي مكتوب
............................................... ياللي للقصيد شابين ناره ساكبين دلاله
يا عيال الطقيقات كرم والجاه والطيب
.............................................. والشعر في دمكم يمشي جزيل معناه

[بــعــيــد الــهــقــاوي]

ياوجد على حالي ركبه الـجيب ....... شاص جديد EFI عليه مكتوبه
صنعة اللي مايعرف المواجيب ......... 24 valve والبنزين مـــشروبه

[إحــســاس شــاعــر]

يالموتراللي خالي من جميع العذاربيب....................فخر المواتر مركب شيوخ مركوبه

يالجكس صمموك الغرب لعكف الأشانيب...................يا عزوة الي متوعــــر في دروبه

[إحــســاس شــاعــر]

الذيب دايم مكانه روس المراقيب...................من راس مشراف مضواه ودروبـــه

في قنصه يصوب الصــيد تصويب.................زاده لحمها ومن الدم مشـــروبــه

[إحــســاس شــاعــر]

حويطات ربعي رجـــال هباهيب................عليهم الغربي يذعذع هبـــوبه

مكرمين ضيوفهم وفعلهم طيب ................نارهم ماتطفــي دوم مشـبوبه

[بنـــت ابـــوهـــا]

ياحويطات ياللي عجز عنكم كلاامي ............................. انتم اليا راح العز باقي رصيده

تحياتي لكم وانا مااكتب قصيد لكن هذا اللي قدرت عليه

[إحــســاس شــاعــر]

لبنت أبوهــا تحيتي والسلامي................ أبياتكم جزله والمعاني شديده

الشعر فخرنا والـــهدف سامي.................وعـــزي لــمن قافه رصـــــيده

[الذيب الشمالي]

ارقبت رجم عالي بالمقامي= مرتفع من بين الرجوم الفريده
مديت النظر في الشفا والتهامي= وطوعت عسرات القيفان العنيده

[إحــســاس شــاعــر]

ياطــير في عالي السما حامي .......... في هدته كل جزل يصيده

الحر حر ويبقى رفيع المقامي ...........فـــعله ماكـل طيــر يجيـده

[إحــســاس شــاعــر]

للي لفونا تحيتي والسلامي ... ...........جينا نحاور والملاحم شديده

جـيت والقـــاف والع وحامــي..............لشاعر طوع القاف العنــيده

[رحـال الشمال]

الحويطات صيتهم بين القبايل يوني.........الكل يفتخر في وصوفه

اسود في المعارك تغني........بالنصر الي دايم في صفوفه

[إحــســاس شــاعــر]

أبيات جزله ويالشمالي أعجبني...........شاعر والعين تسعد بشــوفه

حــي اللـذي للقاف شاعر وفني............من شاله القاف فوق الكتوفه

[رحـال الشمال]

احساس شاعر والله عجبني............يوصف بالشعر لبعد حدوده

شاعر ببيتين والله مدحني................لو اكتب ابيات به يصعب وصوفه

ولي الفخر انه في ابياته ذكرني........شاعر صريح خالي من عيونه

ولك تحيه طيبه وشكر مني.........لاحساس شاعر صعب انك تعوقه

[إحــســاس شــاعــر]

شاعر وفيك ماخــاب ظني.................حر معرب من جدوده

ياصاحبي أبياتك يسعدني..............والشوق متعدي حدوده

[رحـال الشمال]

إن كِنت شاعر يا صاحبي فأنت فني.........انت الي ينير الشعر في دروبه

الشعر احساس ومشاعر فيك تهلي.......بشاعر ابيات الشعر في عروقه

[إحــســاس شــاعــر]

جيتني بفنك وجيتك بفني.........جيت والغربي ذعذع هبوبـه

والبـلى مـن اللي عذبني............وخـلن بقلبي النار مشبوبه

[رحـال الشمال]

ياشاعر الاحساس سيب التبلي.....واطفي النار الي فيك محروقه

وخلك فوق الامل متعلي.....ان كان عن الحبيب بكلمتين تعوقه

[بــعــيــد الــهــقــاوي]

سلام للي قيفانهم أعجبني ...... ....عداد مالاح بالسما رعد وبروقه
من شوقي لها أصرت أغني....... وألحن بيوتها على كل منطوقه

[إحــســاس شــاعــر]

أخواني الشعراء الكرام الرجاء الإلتزام بالقافيه كما وضحت مسبقا في أول الموضوع

أتمنى إتباع جميع تعليمات الموضوع .... ولكم جزيل الشكر


ودمتم

[رحـال الشمال]

ياطير يا حر وصل للغالــي سلامــــــي......وقله ان شعره وشعري بانت بروقه

لا تحسبهى يا شاعر الاحساس بالتحدي.......لانه الاستاذ صعبن علي اني افوقه

[الذيب الشمالي]

ياطير يلي صوب الطويلات حامي=يلاعب نسانيس الهواء طلايق سبوقه
بلغ سلامي للي يثمن كلامي= ودايم طاروق شعري يوالم طروقه

[رحـال الشمال]

يالذيب الشمالي شعرك ذهلني........خلى ضربات قلبي مخفوقه

شاعر حر في الطلايق يهلي.........ما كان احد واقفن بصوبه

[الذيب الشمالي]

يارحال طاروق شعرك وصلني= وشعرك يارحال وافيات حقوقه
على الرد غصب يالطيب حملني= ولك المعنا من الضماير نسوقه

[رحـال الشمال]

يالذيب الشمالي ترا مدحك وصلني.......وطيبتك هذي يا خوي مردوده

شاعر وانا اشهد, بابياته متعلي........لو مشا بالشعر محدن يفوقه

[ابو بندر]

يا راكبن من فوق زاهي الدلي=حمرا وابوها عد حمرا سبوقه
تلفي على اللي لا تكلم يسلي = من ساس لابه بالشدايد صدوقه
متعلين من فوق هام التعلي = يفوق دايم بس ما حد يفوقه
عله يعيش ايام عمره وعلي = اعيش في طرياه واكره عقوقه
هذاك ابوي اللي واللي واللي =نفسي لشوفه يا خلايق شفوقه
وصلاة ربي عد مزنٍ يهلي = على نبي الله عد البروقه

[إحــســاس شــاعــر]

سلام يارحال وأنا أروح وأثني................وترى رفقيك نوب شغله يعوقه

مثلك عزيز ولايخيب فيه ظني ................غلاه بالقلب يسري في عروقه.

[إحــســاس شــاعــر]

تحيتي عطترها بريح الأزهار والفلي ..............لشاعر نفسي على شوفه شفوقه

بالذيب أبو بندر جيت ارحـب وأهلي.............وياليت التحيه توفي شاعرنا .حقوقه

[ابو بندر]

يا احساس شاعر يوم قافك وصل لي = افتر قلبي في محاني خفوقه
من لابةٍ بالظيف دايم تهلي = يا منبعٍ للطيب وانتم شروقه

[التراث]

ولدي انايابوك قربك محلي ----- تسكن وريدالقلب ولامعلوقه

احساسنابالشعرلاجلك وصلي -- يامنية الوجدان شوفك يروقه

[التراث]

احساس انااحييك يامنيت اللي ------ دورعلى النفلات علمك يذوقه

مالي انابالشعرولحدن يقلي ----- ظامي كما العطشان دوبي اسوقه

[إحــســاس شــاعــر]

ياشاعر في روس الطويلات متعلي .............من طيـب ساسه طاب منـطوقه

اللي قـوافيه تطرب الــقلب وتسلي..............أبيات جزله والمعاني صدوقه

[الذيب الشمالي]

ياصاحبي وش لي في واحد مولي= المقبل اخير من هافي حقوقه
اصبر ولابد العسيرات تنحلي= وترى بعض السوالف ماهي بمنطوقه

[رحـال الشمال]

ياهلا بالاحساس الي وصلني....احساس شاعر يبرز بروقـــــــه

نور شمس ساطعه اقبلني......يوم تناظر فيه يصعب وصوفـــــه

وان وصفته تغلط وبتغلطني....وان سكت,بحسره ودك تشوفـه

[التراث]

من لوعة بالقلب ودي اغني ------ وافضل نواصي الخيل مهره سبوقه
ماهو طرب ماغيرنفسي تئني ---- اسهر توال الليل بين مخلوقه

[إحــســاس شــاعــر]

عسى اللوعات عن دربك تروح ولاتثني............وعسى قلبك مايجيه الهم ولا يذوقه

بعض الولايف بالحال لايرحم ولا يــحني............. يعذبك بالحب لاصار مافهم منطـوقه

[التراث]

الي رحل يحساس ليته يثني --------- والشوق عندي صاطين بيخفوقه
سوداليالي عنهم وحدي حدني ---- والعين تابي النوم بس ماتذوقه

[التراث]

طارت طيوري بالعوالي واحدرني --------- والي سببهم ليتي ربي يعوقه
كني خلوجن هايمه بس تحني --------- لشوفهم عطشان ونفسي شفوقه
ربيتهم على المرجله والتعني ----------- حبي لهم حب العذارا يفوقه
سوداليالي غادره تمتحني ------------- مثل الرفيق اللي خويه يبوقه
قطة ليالي وغايبي لي يثني ------------ ويصبح نهاري ويبتسم في شروقه

[التراث]

اعدادها باليوم والساعه ايوني ----- وكل ساعه بعد اشوفهايوم من فوقه
الله يغدرالايام اللي بعدسقني ------ مرن وحنظلن بالعسل مخفين ذوقه
واللي طعني من اقرب الناس مني -- لوغيرهم حلفت لاشداناالكورمنفوقه
وامسيه واصبحه وعندراسه ادني -- واخزمه انا وادق وثده ورى طوقه

[التراث]

المعذره اخي احساس شاعر اخواني المشاركين انني احاور نفسي
لظروف خاصه وهذا هو سبيل الشعر للترفيه والترويح عن النفس
في اوقات المحنه الله لايمحنكم جميعا ولايوريكم مكروه

[التراث]

عقب الجوا نيران قلبي طفني -- -- ولاحاله الا من قبل مسبوقه
اما القمر والشمس تو اقبلني -- -- هل المطر والمزن تلعج ابروقه
يحساس انااهديك تحيات مني -- -- للحر ماكرن يعتلي فوقه

[إحــســاس شــاعــر]

ياالـتراث ماهي عليــكم غريـبه ...............يامالكين العلـم ياأهـل الثقيـلات

شاعر ويغلب على فطنته طيـبه...............من ساس لابه تشتهر بالبطــولات

[التراث]

ديوانكم عامر بشيب وشبيبه -- -- وسجلكم حافل باعلاالعلامات
بعدالمحل سجيت بارض خصيبه ---- يدرج بهاالسيل بين الطويلات

[الذيب الشمالي]

يالله ياللي هملول السحايب تجيبه= يافردن صمد معتلي فوق السماوات
وياناظم زينات القيفان العجيبه= قافك قريته وردة عليه باابيات

[التراث]

طاب الونس يالذيب من بعد غيبه - - اهلآ هلا بيك يابن الشمالات
مرة علي ايام كانت صعيبه -- -- واليوم انا بخير واكتب مقالات
مني سلام لكل ربع الصليبه -- -- ولحساس شاعر اهديه بالذات

[إحــســاس شــاعــر]

سلام للشاعر اللي لفتني مكاتيـبه ................نشمي ولد نشمي وربعه حويطات


على وضح النقى دون شـك وريبـه..............معــتلي ياتــراث روس ..الطــويـلات

[الذيب الشمالي]

يالتراث قام فكري يلاعب عطيبه= وارسلت لك يازبن المظاهير دفعات
انتم هل العلوم الطيبه والعريبه= وانا اقول سلام احلى من در خلفات

[التراث]

ياهلا بالمرسول والي يجيبه --- من اهل العلوم الطايله والثقيلات

من احساس والذيب ماهي غريبه -- اهل الوفا والعز لوقيل غارات

انا افرح الى اونست عزوه قريبه -- واظنكم ربعي لوقيل غارات

[الذيب الشمالي]

يالتراث جدد لنا القافي = ترى قيفان مبطي مراميسي
وعند خبرك وعلمنا وافي= وانت تميز جميع المقاييسي
لو نبي نحكم على الزمن هافي= والوضع يحتاج تدريسي
واللي بحذوه افضل من الحافي= اللي على الشوك له ديسي

[التراث]

اهلآ هلا بيك وبقافك اللافي @ يمحرقين البن بالمحاميسي
قلبي كماالمعلاق براس خطافي@ لاروح المضهوربعدالمراميسي

[التراث]

الله سجل مابين نونه وكافي @ خلق خلقه بالموازين ويقيسي
كل حي عمره مقدروكافي @ سجل لهم من تحت التراويسي

[الذيب الشمالي]

الذيب منوته راس مشرافي= عصير مع هب النسانيسي
في راس عيطا للغير ماتشافي= ولااشرف بها كثير المجاليسي
واليوم انا بديرة الله الكافي= لاعندهم لابن ولامحاميسي
لبسه من ديرة الغرب له لافي= واكثرهم مايعرف كسب النواميسي

[التراث]

الوقت يبقى ولابه خلافي @ والطيب والمعروف واهل النواميسي
مارالبلاالعادات انواع واصنافي@بطولهاوالعرض تابي المقاييسي

[الذيب الشمالي]

تحيه عطرها شيح وقيصوم= من ربوع حسما والجبال المنيفه
اهديها للي على بالجود ماسوم= كسبه من روس القوم ماهي نكيفه

[ابوعبدالله]

سلامي من الطــــــايــف لشِيخة القوم.. ......ذيب وتراث ورحالٍ نظيفه
ولاهان احساس اللي من الشعر متخوم ......رجالٍ تجمعنا العلوم الشريفه

[التراث]

حييت ياللي تشابه الحربالحوم @ من لابة ماتقبل ظيم ونكيفه
من نجداطربتناوالقاف منظوم @ وانا بالاردن اتمتع بطيفه
عبرالجزيره حلقت بحب وسلوم@ فوق الجبال الشامخه والمنيفه

[ابوعبدالله]

يلي ردوده مثل الذهب مختوم .......... عيار اربع وعشرين مافي وصيفه
اذهلتني بردك وخليتني مكتوم .......... ..الشعر واكي والمشاعر مريفه

[إحــســاس شــاعــر]

السلام عليكم ورحمة الله وبركاته :

كيف أحوالكم ياأهل العلوم الدسمه أشتقنا والله لكم

ياسلام الله عليك ياراعي أبيات القصيد ............ مرحبا يالشاعر اللي طوع.. القاف.... العنيد

كيف حالك يالتراث ...ياعسى عمرك مديـد.............ودي بشوفك ... ولكن دايمن حظي عنيد

/أخوكم**عبدالكريم أبوطقيقه الحويطي

[الذيب الشمالي]

[
ياإ حساس شاعر عطني علومك بتفصيلي= وانا ابا اعطيك علومي وموجز النشره
انا قلبي تسري به من همومه غرابيلي= صابر واون واتبع مع ونتي حسره
رحت الطبيب وسوى اشاعة ومعها تحاليلي= طلعت اشاعتي كلها عن التفسير معتذره
دموع عيني ياابو طقيقه رش الهماليلي = وحالتي كل يوم عن يوم منثبره


اخوك/ صالح أبورباح العطوي

[إحــســاس شــاعــر]

السلام عليكم ورحمة الله وبركاته

هلا بالشاعر اللي معه تحلى التعاليلي.............. من زمن وهواجيس فكري لابو رباح منتظره

ياهلا ويامرحبا وأبشكيله... ويشكيلي.............. نبي نتونس لو الزمن صار به... عـــســره

ياصاحبي وقتنا من ميل فـــي.. ميلي..............عزاه شبابنا نقضيه في هم وفي حسره

الصبر ياصاحبي عل بالوضع تعديلي................حالي مثل حالك .....والفرج للحين.. ننتظره

***تحياتي لكأخي العزيز /صالح رباح العطوي ..

والله وسبعة أنعام ... المعذره أبيات على قد الحال


دمت بود أخوك/إحساس شاعر

[إحــســاس شــاعــر]

هلا والله بأبوعابد هلاوالله بعقيد القوم .. .............هلايافارس القيفان ياعز الشعر وياسيفه

جينا طيب وسقنا علم ونريــد ..علــوم .................مع الرفيق اللي يجي كيفي على كــيفه

[العااااصف]

سلام الله سلام يوقع موايقيع الصــــقور 00000000على رجال وقت الشدايد يحسب حسابهاااا
ودي اشاركم الفكره اللي تجلب السرور00000000هي على بالي ياعميلي وانا من طلابهاااا




اخوكم العاااااصف

[عبدالله الموسي]

وش رايكم ياجماعه نثري الموضوع
............................................... ونبدى نصوغ المعاني ونطوعها

[العميري]

قلت الشعر وارويت به كل ضامي 00000للي فهـم معنـاه واللي يـريده

والحمد لـلـه ماهـو خـالي حـزامي 00000الى نويـت ارمـيه عجلا واصيده