المساعد الشخصي الرقمي

مشاهدة النسخة كاملة : كافي تعري يابشر حيل كافي....والشايب قوقل

مطلق العيد
29-09-10, 03:37 PM
السلام عليكم ورحمة الله وبركاته
وجدت احدى قصائدي المعروفه والمدونه بديواني في الشبكه
قد نسبها لنفسه احد الاشخاص وبفضل الله تم افحام السارق
وهرب من ميدان المواجهه وتوثقت لي...الله يكفينا ضعفاء النفوس والمستشعرين
على اكتاف غيرهم.......وهذي القصيده بمناسبة الحدث اتمنى ترقى للذائقه....





ان ماكتبت الشعر من راس وافي=ولا حزمت الراس لاعشت ياراس
اكتب جزيل الشعر في جو صافي=وغيري اذا غيم دنا منه قرطاس
ان غبت! جبت! وماقنيت الخفافي=معنى ومضمونه يجي حد الامواس
لاعاش حرفِ مايجي كالرهافي=ولا عاش رجلِ ماقضى هم للناس
شعرِ يجي عادي وشعرِ خرافي=وآخر يفتونه ولا فيه مقياس
من لا استحى يفعل اذا مايخافي=ومن خاف ربه ماوطى درب الادناس
كله سبايب شايبِ مايشافي=قامو يدقونه على كل الاجراس
راحت بنات الفكر عنده خلافي=ورحنا ضحيه بين هافي وهلاس
كيف الادب كيف الفكر مايحافي=ودنا نوثق فكرنا بطوق حراس
كافي تعري يابشر حيل كافي=كافي ! ويكفي ! وضعنا صار حساس
الدحمي
29-09-10, 03:43 PM
.. لعل أجمل ما في هذه السرقة الادبيه ..أنهم جعلوك تأتي لنا بهذه الرائعه عذبة الملفظ .. !


أريد أن أسرق بعض القصائد للغائبين من الشعراء لعلهم يعودون الينا بقصائد هجائيه رائعه :D



صح لسانك اخي مطلق
عبدالمجيد بن غازي
29-09-10, 05:44 PM
حمداً لله انك تمكنت من توثيق القصيده مطلق العيد

اذا لم تستحي افعل ما شئت ... وهو اخذ تلك القاعده واصبح ينسب

شئاً لغيره لنفسه وتضاها بها اما م الغير

صح لسانك على هالجزله مطلق

آحترآآآمي...
سـهـمـ الشمـالـ
29-09-10, 05:47 PM
.. لعل أجمل ما في هذه السرقة الادبيه ..أنهم جعلوك تأتي لنا بهذه الرائعه عذبة الملفظ .. !


أريد أن أسرق بعض القصائد للغائبين من الشعراء لعلهم يعودون الينا بقصائد هجائيه رائعه :D



صح لسانك اخي مطلق صح عليك كنت بقول كذا يعطيك العافية اخوي
ابن الفخر
29-09-10, 07:48 PM
صح لسانك اخي العزيز مطلق

ولايصح الا الصحيح

وما اكثر طحالب الشبكة العنكبوتيه

لك كل الود والتقدير .
مطلق العيد
29-09-10, 09:53 PM
.. لعل أجمل ما في هذه السرقة الادبيه ..أنهم جعلوك تأتي لنا بهذه الرائعه عذبة الملفظ .. !


أريد أن أسرق بعض القصائد للغائبين من الشعراء لعلهم يعودون الينا بقصائد هجائيه رائعه :D



صح لسانك اخي مطلق

الاجمل مروك يالدحمي

يعني السرقه سلاح ذو حدين ......

خذ راحتك لا اوصيك اسرق نديم الشمال هههههههه

تحياتي لمرورك العطر
مطلق العيد
30-09-10, 01:37 PM
حمداً لله انك تمكنت من توثيق القصيده مطلق العيد

اذا لم تستحي افعل ما شئت ... وهو اخذ تلك القاعده واصبح ينسب

شئاً لغيره لنفسه وتضاها بها اما م الغير

صح لسانك على هالجزله مطلق

آحترآآآمي...

عبدالمجيد بن غازي

صح بدنك اخوي والله اني اسف لحال هذه الشريحه لانهم يعيشون بالكذب

والكذب لايدوم بل يسبب الاحراج امام الناس

شكراا لمرورك الجميل

تحياتي لك
الآتي الأخير
01-10-10, 02:20 PM
مبدع دائما و ابدا يا شاعرنا الكبير مطلق العيد
و ما اكثر السرقات للاسف
هذا هو واقع الساحة
دمت برقي و ترف
السندباد
01-10-10, 08:45 PM
صح نبضك على هذا الأبداع
وبالمناسبة نطالب ادارة المنتدى بوضح حد لهذه الظاهر وحفظ حقوق اعضائها لاسيما الأدبية منها
مطلق العيد
07-10-10, 01:40 PM
سهم الشمال هلا فيك

اسعدني تواجدك وطلتك

لاعدمتك

تحياتي لك
مطلق العيد
07-10-10, 01:43 PM
صح لسانك اخي العزيز مطلق

ولايصح الا الصحيح

وما اكثر طحالب الشبكة العنكبوتيه

لك كل الود والتقدير .




ابن الفخر

صح بدنك

وصدقت مايصح الا الصحيح

تشرفت بتواجدك لاهنت على المرور

تحياتي لك
ام الفهد
07-10-10, 01:47 PM
صح لسانك اخي مطلق
و السرقة الأدبية هي أحد مساوئ التقنية ( الأنترنت).


دمت برقي أحرفك
الوصيف
07-10-10, 08:37 PM
السرقة لها سبع فوائد يامطلق .. مثل السفر تمام !!
من السبع الفوائد ابذكر فائدتين بس !!
الأولى : يخلونك تعرف إنك قصيدك لو مايستاهل محد حركه من مكانه .
الثانية : مثل ماسويت انت باهالقصيدة رديت بقسوة وجزاله ..

ماأقول إلا صح كلّك .. ممتع للغاية
تقبل مروري
مطلق العيد
10-10-10, 03:27 PM
مبدع دائما و ابدا يا شاعرنا الكبير مطلق العيد
و ما اكثر السرقات للاسف
هذا هو واقع الساحة
دمت برقي و ترف

هلا يابوثامر

وتسلم على التواجد والاطراء

المشكله السارق مصدق حاله وكاتب له قصه عن كتابة القصيده هههههههههههه

الله يعينه على حاله....... شوف


قالو أكتب


السلام عليكم ورحمة الله وبركاته ،،،

مدخل ،،،

كنت في يوم أعاتب النفس وكدرها == وقلت يانفس أركدي مالي ومال العنا

هذي القصيده تعليقاً على جلاسي في مجلسي جوني في يوم كنت مانيب يم كتابة النص

والواحد تخبرون ودهـ يصير مرات وحداني والوقت يجبر ولا حنا مانقدر نجبرهـ ...

المهم طلبو مني كتابة بعض الأبيات لقصة مرت علي أنا وربعي ورفضت ورديت عليهم ...

بهذي الأبيات ...

قالو لي اكتب قلت مانـي بكاتـب
ياكيف ابكتب قلي ياعاشق الفيـن
الحرف عيـا لايجـي بالنهايـب
مثل الدرر في غبة بحور قزويـن
الشعر حبك وسبك واسمى المراتب
الشعر وزن وقافيه مـع عناويـن
الشعر شيطان(ن) ولا هو بتايـب
منـه سمـا يرقـا ومنـه بعليـن
الشعر دمعه.مع فرح .مع معاتـب
حتى الغزل راقي .بجو .المحبيـن
قالو لي اكتب قلت دوك المكاتـب
الحرف عاجز وامتلى بالدواويـن
قالو لي اكتب قلت ربـي مراقـب
سامع دبيب النمل بيـن الملاييـن
الشعر صوره والحقيقـه تكـاذب
من يقنع الذواق ويعطي براهيـن؟
قالولي اكتب قلت مابـي مناصـب
الشعر ميت والادب شين ْفي سين
قالو لي اكتب قلت مانـي بطايـب
الشعر يبغى جو وينه وانا وين!!!
قالو لي اكتب قلت ماني بصايـب
اخطي يابن عمي على ناس غالين
الشعر شاعـر والقريحـه تكالـب
والنبض احساسه وهذي القوانين

تحيتي لكم ... خالد الشهـــيل


شكراا يابو ثامر على المرور

تحياتي لك
الشامخ
30-10-10, 11:56 AM
ههههههههههههه الله يعطيك العافيه ابوفارس ليتهم كل يوم يسرقون لك قصيدة حتى يخلوك تلع من العزله وتمتعنا بابيات الرائعه ولو اني مكان الرجال احرم اسرق اليوم ودوم ههههههههههههه
سـهـمـ الشمـالـ
14-11-10, 07:15 AM
شايب مهايطي ههههههههههه ) وصح لسانك يا شاعرنا