الفرق بين القصص العربيه والاجنبيه - مقطع طريف

[الدحمي]

http://www.youtube.com/watch?v=PoQ8neBqB50 (http://www.youtube.com/watch?v=PoQ8neBqB50)


تعليقي ..

الانقلش عنده أوكيييه والولد انتيكـه وماشاء الله عليه بس ياليتك علمت ولدك كلمتين عربي يخاطبك فيهم على الاقل , ثانياً سعدون : أسم من اسماء القرده ,وذكر ليمون والمكتوب ميمون , ( هنا المشكله في عربية الولد :D) , الكتاب الانقليزي تلاحضون عليه صورة دلفين ومكتوب دانيصور هاذي بعض الملاحضات من التعليقات ..؟! ..


بس لكم المايك

[حويطي الشمال]

ما شاء الله عليه الله يزيده علم
جميل جداً ان نجد طفلاً بهذا السن متمكن من لغة غير لغته
ولكن السيء جداً ان نجد طفلاً بهذا السن متمكن من لغة غير لغته ولا يستطيع ان يقرأ حرف
من لغتة الأم.
وهذا ما يريده لنا الغرب تغيير لغتنا و مناهجنا واعتماد لغتهم ومناهجهم وتعليمها لأطفاالنا
بينما في جميع الدول الأوربية لا يعلمون الطفل في المراحل الابتدائية سوى لغته الأم فقط
ونحن ندعو الى اعتماد لغه غير لغتنا وثقافة غير ثقافتناوتعليمها لأطفالنا بحجه التنوير ولا نعلم انه محو وتعتيم لثقافتنا وقيمنا .
وسيرو الى االدروب المجهولة حتى تجدو انفسكم بلا طريق.والله المستعان
شكري وتقديري لك اخي الدحمي,

[ابن الفخر]

ياخي المشكله عندنا ان الواحد لا راح بعثه

على حساب الدوله وجاب له ولد هناك

اول مايجي ينتقد العادات والتقاليد والمجتمع

ويجلس يتفلسف واول ما يبيع وطنه ( نسينا ماكلينا )



ونحن لانقارن مع الغرب فهم لهم الدنيا

هالولد لو انه رابي عند دلال ومعاميل

ابرك له

والسلام ختام

[الدحمي]

حويطي الشمال ... آتفق ويآك ..


آبن الفخر .. ول ول عليك يآ آبو دلال ومعآميل تصدق اني منول آحسب المعآميل ( جمع لمعمول التمر :D )


سُر الفؤاد بمجيئكُم ..

[عبدالله الموسي]

ما شاء الله على هالولد

بلل انجلش

لو ماني خايف على باقي بينات الكونكت كان تفرجت على المقطع كامل هههههههههههه

مشكوووور يادحيم

[غربة الروح]

شكرا" لك أخي الكريم مقطع جدا" رائع..
من وجهة نظري حنا مو بمجال نقد الغرب .. طيب ليش ماناخذ منهم اللي ينفعنا ليش نظرتنا للمبتعثين إنهم ينتقدوووون وبس .. لا معهم حق .. لما يقارنوا ويشوفوا مستوى التعليم بالغرب ومستوى التعليم عندنا لمايكون مستوى التعليم بهذا الشكل المتدني جدا" اللذي يهتم بالجانب المعرفي الحفظ ثم الحفظ ثم الحفظ فقط ويهمل جميع الجوانب الأخرى المهاريه والوجدانيه .. أنا أتكلم عن التعليم في جيلي واللي أتوقع للحين مستمر على نفس النظام .. ربي يحفظ هالولد لعين ترجيه .. ماشاءلله لا قوة إلا بالله .. يتكلم بطلاقه وثقه ماخجل ولا أستحى .. أطفال الغرب يتكلمون ويسولفون ع الناس الأجانب ويسألون من غير أي تردد .. مو مثل عيالنا لو أتكلم أو حتى سأل أي سؤال .. الرد المعتاد .. أستحي ياولد.. عيب هذا أكبر منك .. وخير أنشالله أكبر منه..
التعليم الأبتدائي اللذي يعتبر مرحله تأسيسيه في عمر الطفل .. مدرسين من سنين لا وخريجين معهد بعد.. ضرب وتأنيب على شي يسوى وشي مايسوى كيف ترتقي أمه بشعبها مادام مستوى التعليم بهالشكل .. لا تنتقدوا تعليم الغرب ناخذ منه اللي يناسبنا ونترك اللي يعارض دينا وأسلامنا وما أقول عادات ولاتقاليد.. صراحه من الأشياء الرائعه اللي سواها الملك عبدالله برنامج الأبتعاث خلو المبتعثين والمبتعثات يرجعون يغيروووون من هالوضع شوي.. تعليم المرحله الأبتدائيه بالغرب قائم على مبدأ تنمية المهارات من خلال الألعاب يعني الطالب يروح للمدرسه يقرؤون له قصص يلعبون ألعاب منظمه لها أهداف مدرووسه .. ينمون فيهم مهارات الرسم والقراءه ومهارات كثيره .. وطبعا" الطفل ماعنده واجبات يتعلم كيف يقرأ مو يحفظ اللي قاعده يقراه .. الله وأكبر عليهم مدرساتنا زماااان يلعن أم التكفيخ كله لو قرأتها ضمه وأهي فتحه .. والله دووووم أقول حسبي الله عليهم بس وعلى تعليمهم .. ونقول المواد الأضافيه للتدبير والتفصيل والفنيه .. على حسب مزاج المدرسه وأغلب الكلاسات نظري ومافيه عملي غير كلاس ولا أثنين طول السنه .. وراه أسمها مواد عمليه مالحقها غير أسمها.. كفايه أجيال مهزوزه .. متبلده ..متردده لاهوايات ولا أهتمامات .. أنا أتكلم عن نفسي ونفسي فقط وجهة نظر شخصيه ..
مشكور أخوي تقبل مروري وسوري على الرد الطويل بس كل ذا ولا شي من اللي فقلبي على تعليمنا اللي مدري شسميه ..