ودعتك الله لو على قلبي اخطيت‎

[سكه الذكرى الحزينه]

http://iraqnaa.com/ico/image2/f/hearts010.gifhttp://iraqnaa.com/ico/image2/f/hearts005.gifhttp://iraqnaa.com/ico/image2/f/hearts010.gif

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

الله واكبر كيف عنّي تخلّيت
من بعد ما علقت روحي البريّه

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

كل شي تخيلته ولا يوم ظنيت
إنك لحد غيري ولانتاب ليّه

ويلك من الله كيف بالحب ضحّيت
قلبك حجر ما حنّ يومٍ عليّه

اللي بنينا بْعمر في يوم هدّيت
واحلامنا ما عاد منها بقيّه

اتعد غلطاتي إذا يوم زليت
من دون مدري .. وين ذيك الحميّه

مافيه معصوم الخطا لو تحريت
ولا فيه كامل غير رب البريّه

ولو ما احبك ما نشدتك ولا اطريت
بعدك وصدك وانتخيتك نخيّه

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

لا نيب حي بعد هجرك ولا ميت
ولا ني مريض ينعرف بالشكيّه

لكني ادرى بحالتي لا ترديت
ولا ينفع الملتاع طبه وكيّه

مالي سوى الي كلما راح ناديت
يا كود يسمعني ويرجع اليه

http://iraqnaa.com/ico/image2/f/hearts010.gifhttp://iraqnaa.com/ico/image2/f/hearts005.gifhttp://iraqnaa.com/ico/image2/f/hearts010.gif

[عبدالمجيد بن غازي]

وش غيّرك وش بدّلك ليه صدّيت
وانت الذي بالقلب نبض وهويّه

انتقاء رائع بروعة حضورك سكة الذكرى

كل الووود...

[ذيب الشوامين]

ذوق دائماً متدفق

دمت ِ بود










الذيب

[سكه الذكرى الحزينه]

كل الشكر للوجودك هنا اخي
عبد المجيد

[سكه الذكرى الحزينه]

اهلا بك في متصفحي دائما
اخي الذيــــــب

[جبل اللوز]

شكرا سكت الذكرى الحزينه على هذا المنوال الرائع

[سكه الذكرى الحزينه]

اهلابك
جبل اللوز
اسعدني مرور ك هنا