عناد الرواد
06-03-11, 07:30 PM
الطيْب دايم على الحروه كايد ويصعب على الانذال ماهو بنشطه ولا عروه لا وسّع ابوابه الجمّال شريت منقية ٍ تسوى ما ساقها بالعرب دلّال قنيتها يا صقر شلوى وقام السعد عقبها والفال خلفات وديودهن حلوه وابكارهن تسبق الخيّال حناين ٍ ما بهن قسوه منايح ٍ والحليب ازلال واسنامهن عالي الذروه وافخوذهن كالنعام اطوال والغارب اليا انتهض علوه مركاز طير ٍ على مدهال بنت العماني ويا ملوه حمرى ولا قيّدت بعقال الذود في حبهن بلوى ياما تولع ّ بهن رجال في مرتع ٍ من ورى سلوى وارسوم بر وعزب واجبال وارجال في ساعة الخوّه ما يحسبون العنا والمال في ربعة اللي دلى دلوه حلو السوالف بها تنقال وطاس اللبن والعرب تروى يجل الصدر والعلل تنزال يمري لبنها مع الرغوه ترعى الوسامي وهي تختال يا شفّ كبدي ويا منوه في ديرة ٍ ما بها جوال واحلا من امقابل الحلوه ومبسم عسل ترشفه لا سال