وقــفــه !

[صفق الهواء]

إلى قلوبكم
.
.
مصافحه اولى اتمني ان تنال اعجابكم وهي من آخر ماكتبت
.
.
((وقــفــه))


العـذر يـادرب الــرداء للمواجيب=شبيـــت نـارٍ مؤقــده فــي حشايه
ابطيت من جفن السهر للمراقيب=وازريت توصلني خطوط النهايه
اكبر مصيبه خدعـة الذيـب للذيب=جرحٍ يزول وجرح يصبح حكايه
الكيد واحساس العتب والمطاليب=واقوال بعض الساذجه والوشايه
اللــي مهمتهم لشــذب العراقيب=يبطون عـن شذبي بسـر وخفايه
وليا وصلت من الوزاء شقة الجيب=احتاج وقفه واستعيد صدقايه
اصحابي اللـي بالرخـاء كـلٍ يجيب=بشوف ويش فعولهم في وزايه
ان عودو للطيب مـن واقـع الطيب=والا انــا مالـي عليهـم ولآيه
الناس تجمعهم علاقــه وأقاريب=ومناظر الاشخاص ماهي كفايه
الفرق بالمنطق وحسن الأساليب=والموقف اللي يستحق الدعايه
لو ان هاليومين عفسة اصاحيب=ماعاد نفرق طيبهم والردايه
الذيب ياهل الطيب مايقبل العيب=والذيب يرمز له بحكم الدهايه
الرب واحد والبشر به شواذيب=وماكـل خطلـه تستثيـر قبلايه
وقفه على وضح النقاء مابها ريب=لاصار لك في وقفة الطيب غايه
ولامن وصلت من الوزاء شقة الجيب=احتاج وقفه واستعيد صدقايه
والعذر يادرب الخطاء للمواجيب=ابقيت نارك موقده في حشايه

بقلمي / نهيّر النمش
(صفق الهواء)

[السلطان]

صح لسانك يا نهير النمش على المصافحة الاكثر من رائعه .
شاعر جزل و مبدع .. تحياتي

[صفق الهواء]

السلطان

صح بدنك والف شكر لك على مرورك الفاضل الكريم المشرف
اسعدني هذا الاطراء واتشرف به عساك على القوه ولاهنت

لك كل التحايا

[حسين أبوتايه]

جزله من راس وافي قصيده وافيه وفيها من الحكمه
الشيء الكثير صح لسانك وعلا شانك الشاعر نهير النمش
وتقبل تحياتي

[صفق الهواء]

حسين أبو تايه

الجزاله مرورك المشرف الله يعافيك وكل الشكر لك
تسلم وصح بدنك ورفع الله قدرك على الاطراء الكريم

لك تحياتي