ياملكنا ماتـرى البـاس السقيـم

[طير السعد]

قصيدة ابو عمر في امسية المنشيه بالاردن بمناسبة ذكرى الاستقلال وعودة خادم الحرمين الشريفين سالما معافى


نحمد الله يوم عـدت لنـا سليـم=هـذه خيـر الهدايـا والهبـات
الفرح عـم المواطـن والمقيـم=وابتسـم ثغـر المحيـا بالشفـات
كيف مانفرح لابو قلـب رحيـم=المليك اللـي يحـل المعضـلات
ياملكنا ماتـرى البـاس السقيـم=كل عام بخير يازيـن الصفـات
جلستك بين الملوك اهيب زعيـم=في شموخ الالب بين الراسيـات
هم يقولو عنـك يالوافـي كريـم=نقص لوقلت ان يدينك مرهيـات
في يمينك تشبـه النيـل العظيـم=وفي يسارك مثل دجله والفـرات
كم تساعد عـود وتواسـي يتيـم=كم جمعت وجوه من عقب الشتات
شمس تمحي ظلمة الجور الاليـم=وظل بارد عن هجير الكايـدات
صبح فجر يعانقـه روح النسيـم=وانبلاجه بـدد وجـوم السبـات
كلمتـك باثارهـا هتـان ديــم=في صدوق الوسم يتـلاه النبـات
شعبك المغوار في حبـك يهيـم=مايعير السمـع لاقـوال الوشـات
مانبيـع الـدار بالليـل البهيـم=دونهـا نبـذل جميـع الغاليـات
ياحلاة المـوت والمنهـج سليـم=كنه السكر علـى عـز وثبـات
مايتغطرس عندنا ابليس الرجيـم=كل عام نلّقمـه سبـع احجـرات

[عبدالله جروح الجبور]

أخي الكريم طير السعد
السعد بوجهك - أخوي ما ظهر عندي شئ على المتصفح

[طير السعد]

الله يسعدك اخوي عبدالله
الموضوع موجود
وش نوع متصفحك؟

[عبدالله جروح الجبور]

أخي الحبيب
للآن ماظهر شي والمتصفح خاصتي عادي

[طير السعد]

حياك الله يالطيب مره اخرى
بعض المتصفحات لاتظهر معها
القصائد بسبب التنسيق مثل الفاير فوكس
لك اجمل الاماني

[عبدالله جروح الجبور]

الشكر لإهتمامكم أحاول أدخل من متصفح آخر
نلقاكم

[عبدالله جروح الجبور]

الحين شفتها
يستاهل ابو متعب والله مثل النيل وأزود
أطال الله في عمره وأبقاه لنا ذخراً وسنداً وأملاً
وملاذاً يرتجى عند الصعاب