البارحة مريت والسوق مزحوووووم ...؟

[عبدالمجيد بن غازي]

دائماً مايكتب الشاعر قصائده الا من حدث شاهده

وننقل لكم قصيدة اليوم من موقف البارح

فبحثنا ووجدنا ما أجى على البال والمزاج

وهي اهداء لـ بن عياد


ويقوووول :

البارحه مريت والسوق مزحـوم
من كثرة الاجـواد مـدري علامـه
لقيت فيه العالـم اتـدوج وتحـوم
وابو شنب عينـه بسـواد الثامـه
كلنٍ على طـرد المزاييـن مهمـوم
تقول سوق طيبة صايـر دوامـه
وأنا دخلت السوق بأقضيلي لـزوم
بعلمـك قبـل العتـب و الملامـه
ناوي أبشري عقال وافصل هـدوم
وأشري عمامه غير هذي العمامه
وفجأه وأنا مشغول في مكاسر القوم
ألا وعيني بعيـن ضبـي العدامـه
بنت جميله زينهـا زيـن مرسـوم
في عينها فارس مجـرد حسامـه
مرت بجنبي والحشا شبه معـدوم
ومن قبل لا تمشي عطتني ابتسامه
وراحت مع السايق وأنا اطيح وأقوم
ودي اعرف اللي ذبحنـي بغرامـه
وسئلت سايقها ولا جابلـي علـوم
قلت ((المها))وش اسمهـا يالهلامـه
ويهز راسه يقـول مافيـه معلـوم
جديد يعـرف بـس بابـه ومامـه
وأشوفها تضحك وأنا حيل مصدوم
بالحب وأنا مبطـي قليـل فهامـه
ورديت لا كاسب ولا مفصل هـدوم
مـدري رداة الحـظ والا الغشامـه





وسلامتكم



معيي الحظ لايقوم يابن عياد ...؟

[طير السعد]

مرت بجنبي والحشا شبه معـدوم
ومن قبل لا تمشي عطتني ابتسامه
وراحت مع السايق وأنا اطيح وأقوم
ودي اعرف اللي ذبحنـي بغرامـه

الله اكبر :sm166:
هذا في العشر

وشلووووون لوكان بشوال

منقول طيب

لاهنت ابن غازي

[عاشق الادب]

مالك ومال السوق هالأيام
ياخوك دور لك مكان خالي وعيد فيه بعيد عن الزحمات والشوفات
وبعدين والله لانافع لارمضان ولاغيرة ياخوك والله ماودك تطب السوق هالأيام
شئ يفل العقل
وياخوك هالجيل الجديد مسبب أرباك حتى للشياب
يارجال خلنا نخطب لك ونريحك من نزلة السوق وحداني

[محمد الحامدي]

والله علومك يالخال علوم انت وابن عياااد :sm105:

بس طير السعد معكم ولا لا

يعطيك العافيه على النقل

[وليد العمراني]

ورديت لا كاسب ولا مفصل هـدوم
مـدري رداة الحـظ والا الغشامـه

صح لسسسان قايلهاااااا .. وقصيدة وافية وتوصف الحال ..

يعطيك العافية ياابن غازي ..

[آلشوقـ]

صح لسان قايلها ولا هنت عبدالمجيد

يعطيك الف عآأإأآفيه

تحياتي

[عمرانيه وكلي حلا]

لاترووحـ السووق برمضاان >> كاان هذا حاالكـ :)

..

نقل ولا ارووعـ بجد ..

يعطيكـ الف عاافيهـ ..

تقبل مروري ..

[عبدالمجيد بن غازي]

مرت بجنبي والحشا شبه معـدوم

ومن قبل لا تمشي عطتني ابتسامه
وراحت مع السايق وأنا اطيح وأقوم
ودي اعرف اللي ذبحنـي بغرامـه

الله اكبر :sm166:
هذا في العشر

وشلووووون لوكان بشوال

منقول طيب


لاهنت ابن غازي


هلابك طير السعد

هذا اللي ربي قدرك عليك ياخي واسني لي بكم بيت ع الاقل <<هههه

بشوال اللي بيدلعوه شوشو حاضر الله يكفينا شره

مشكور لتواجدك المميز طير

ودي

[عبدالمجيد بن غازي]

مالك ومال السوق هالأيام

بقضيلي لزوووم ابو فيصل وافصل هدوم

ياخوك دور لك مكان خالي وعيد فيه بعيد عن الزحمات والشوفات
وبعدين والله لانافع لارمضان ولاغيرة ياخوك والله ماودك تطب السوق هالأيام
شئ يفل العقل
^^^ هذا ابو فيصل وهو متزوج قالها شي يفل العقل يعني قليبه اخضر مثلي
وياخوك هالجيل الجديد مسبب أرباك حتى للشياب
^^
بعض شياب غطو ع الشباب ههههه

يارجال خلنا نخطب لك ونريحك من نزلة السوق وحداني
لا لا على ماشفت عزوبي اريح هههه

[طير السعد]

هلابك طير السعد

هذا اللي ربي قدرك عليك ياخي واسني لي بكم بيت ع الاقل <<هههه

بشوال اللي بيدلعوه شوشو حاضر الله يكفينا شره

مشكور لتواجدك المميز طير

ودي

ولايهمك من هدوشه

خذ هالبيت>>>>> اما تشم الطيب والصبح مزكوم....والهم عالرجال بنى خيامه"""":rose::sm59:

[عبدالمجيد بن غازي]

والله علومك يالخال علوم انت وابن عياااد :sm105:

بس طير السعد معكم ولا لا

يعطيك العافيه على النقل

لا طير ولا ابن عياد مع خالك لحاله يالبناخي

ليتك تشوف خالك من بعد فرقاه وشلووون << يمزح

كل الشكر لتواجدك يالغالي

[عبدالمجيد بن غازي]

ورديت لا كاسب ولا مفصل هـدوم
مـدري رداة الحـظ والا الغشامـه

صح لسسسان قايلهاااااا .. وقصيدة وافية وتوصف الحال ..

يعطيك العافية ياابن غازي ..

يعافي قلبك وليد

وأسعدت بتواجدك هنا

لاعدمناكم

[عبدالمجيد بن غازي]

صح لسان قايلها ولا هنت عبدالمجيد

يعطيك الف عآأإأآفيه

تحياتي

يعافي قلبك الشوووق

وتشكراتي لمرورك من هنا

[عبدالمجيد بن غازي]

لاترووحـ السووق برمضاان >> كاان هذا حاالكـ :)

..

نقل ولا ارووعـ بجد ..

يعطيكـ الف عاافيهـ ..

تقبل مروري ..

لاعاد مافيه روووحه عمرانيه بعد هالروحه

الحال لله ياوخيه ...هههه

يعافي قلبك وتشكراتي لمرورك العطر من هنا

ودي,,,

[عبدالمجيد بن غازي]

ولايهمك من هدوشه

خذ هالبيت>>>>> اما تشم الطيب والصبح مزكوم....والهم عالرجال بنى خيامه"""":rose::sm59:


طير السعد ...>>:sm105: والله انك مشكله لكن خذ

الطيب طيب والمرض ريحة الثوووم ^^ :sm59:وتصبح على خير خيوو ودور غيرها

ههه

[<مهـــــــــرة >]

ومين قال لك روح السوق ههههههه اهجدوا احسن
يسلموووووو
دمت بود

[عبدالله العبيواني]

صح لسانك أخوي عبدالمجيد على هذي القصيده الرائعه
وننتظر جديدك
تحياتي

[عبدالمجيد بن غازي]

ومين قال لك روح السوق ههههههه اهجدوا احسن
يسلموووووو
دمت بود



كيف من قال لي مهرة الله يسامحك قايل لك بقضي لي لزوم هههههه

تشكراتي لتواجدك

[عبدالمجيد بن غازي]

صح لسانك أخوي عبدالمجيد على هذي القصيده الرائعه
وننتظر جديدك
تحياتي


صح بدنك عبدالله

ومشكور لمرورك العطر