][ ياليل ٍ بالسهر مجنون ][

[الوصيف]

ياليلٍ بالـسهر مجنون وانا حزني يقول الآه=وانا هميّ تـرى خاثر يعرف الـيـوم يشقى بي
ألا ياليتني قادر اشـوفه بس انا وآقراه=واترجم كل احاسيسي معاهـا هاجـس ارهابي
بطبعي دوم متعـوّد طبـيـب ٍعارف ٍ لأدواه=يعالج علته بالكي يزيد الكي بمْصابي
وأشـوف القلب يشكي له ولاهو بسـامـع ٍ شكواه=ماغير اللي على باله و لا هو بحاسب حسابي
ضرير ٍ ماشـي بدرب ٍ خبير بأوله واتلاه=يروح ولا يجي إلا يصير من التعب حابي
لو أنه غيري يمكن قال خذاه الوقـت عني وتاه=ولكنّي أعرفه دايم ٍ ماقد نسى بابي
على الفرقا أنا وإياه وارجع من بعد ألقاه=أشوفه عايش ٍ بأرواح سبعه ويتحدى بي
وانا اللي دايم اتهرب هذاني اليوم ابغى انسـاه=ولكنّ مالقى له في زمانه ربع واصحابي
على درب العهد غادر وياخذ بالرحيل اشياه=رجعنا مثل ماكنا خوان وأهل واقرابي
ياليلٍ بالحزن مجنون أشوفك تنتظر لقياه؟=تراني مْن اللقاء مليت وأبيك تكثّر غيابي



أتمنى أن تصل إلى قلوبكم
عبدالعزيز الرقابي

[عاشق الادب]

ضرير ٍ ماشي بدرب ٍ خبيـر بأولـه واتـلاه
يروح ولا يجي إلا يصير مـن التعـب حابـي

لاتعليق يامهندس الشعر
ضرير ....؟ فعلا ابداع يفوق الوصف
في هذا البيت
سلمت لنا وسلم لنا شعرك الجميل
ياعبدالعزيز

[حسين أبوتايه]

أتمنى أن تصل إلى قلوبكم

وأشوف القلب يشكي له ولاهو بسامع ٍ شكواه
ماغيـر اللـي علـى بالـه و لا هـو بحـاسـب حسابي
وهل مثل هذه القصيده لاتصل ألى القلوب
الأخ الشاعر المبدع الوصيف لك أعذب التحيه
على هذه القصيده الوافيه والرائعه في معانيها
تقبل تحياتي
ودمت بخير حال

[فزاع الحويطات]

اسلم

وصح لسانك ياشاعرنا المبدع

رآآآآآئعه

[الــراقي]

صح لسانك يامبدع
قصيده في غاية الجمال رآقت لذائقتي
ووصلت إلى قلوبنا وتعمقت .

[سكون]

طـبـعـي دوم مـتـعـوّد طـبـيـب ٍعــــارف ٍ لأدواهيعـالـج علـتـه بـالـكـي يـزيــد الـكــي بمْـصـابـي


رائع شاعرنا الوصيف
حس مرهف وتقنية في الحروف عجيبة ..
راقت لي جداً
سلم نبضك

[الوصيف]

ضرير ٍ ماشي بدرب ٍ خبيـر بأولـه واتـلاه

يروح ولا يجي إلا يصير مـن التعـب حابـي

لاتعليق يامهندس الشعر
ضرير ....؟ فعلا ابداع يفوق الوصف
في هذا البيت
سلمت لنا وسلم لنا شعرك الجميل
ياعبدالعزيز



الراقي جدا ً عاشق الأدب .. حضورك رائع بروعتك
وصدقني لن تفي الكلمات في حق هذا المرور الآدبي الذي استشعرت من خلاله أنني وفقت في هذه القصيده المتواضعه

فقد غمرتني بعطر حضورك وحسّك الراقي
فكل الشكر لحضورك الميمون

[الوصيف]

أتمنى أن تصل إلى قلوبكم

وأشوف القلب يشكي له ولاهو بسامع ٍ شكواه
ماغيـر اللـي علـى بالـه و لا هـو بحـاسـب حسابي
وهل مثل هذه القصيده لاتصل ألى القلوب
الأخ الشاعر المبدع الوصيف لك أعذب التحيه
على هذه القصيده الوافيه والرائعه في معانيها
تقبل تحياتي
ودمت بخير حال




العملاق شعرا ً وآدبا ً حسين أبو تايه
حضورك بحد ذاته إضافه شعرية لهذا النص
فالمبدعين آمثالك هم من لديهم الوعي الشعري والذوق الآدبي في قراءة النصوص

ممتن لهذا التواجد