بدق أتكلم أتعذر بقول آسف عن اللي صآر !!

[ذيب الشوامين]

بدق أتكلم أتعذر بقول آسف عن اللي صآر
وأقول الكون مايسوى لا من صرت من دونك

واقول اني خذلتك بس معايا وردتين اعذار
تقبلهم مثل عصفور يداعب طلعت عيونك

انا اسف تقبلني حبيبي جيتلك منهار
خلاص انسى وابي ارجع مثل ماكنت بجفونك

مثل ماكنت تهديني السحايب وارتوي امطار
مثل ماكنت توقد لي العتم من شمعة جنونك

انا غروري خذلني يوم شفت اللي يبوني كثار
شريت اوهام يوم اني ابيعك واخسر ضنونك

تصدق مانسيت شلون تقطف لي الغلا ازهار
ولا انسى يوم اجي بهموم تأشر لي على متونك

تقول متوني لهمومك تكون كبار ولا صغار
تشيل الهم ولاتبين لعيني كثرة طعونك

تواسيني وترميلي ابتسامة بداخل الانظار
وتورق كل اشعتها واشوف الصبح من لونك

ذكرتك والدروب اللي حسبت انها طويلة قصار
وجيتك مانسيت انك تقول انهم يبيعونك

مثل ماقلت باعوني وجيتك بكمل المشوار
معك وارجع مثل اول مثل ماكنت بعيونك


الشاعر / سالم سيار

[إحساس الأصايل]

صح لسان الشاعر ولا هنت ابو بتال

قصيده جميله في الاعتذار

[صمتي سؤآل]

رآآققت ليي كثييير

يعطططيك العاافيةة ع الطررح

شكري لك..

[ذيب الشوامين]

صح لسان الشاعر ولا هنت ابو بتال

قصيده جميله في الاعتذار


صح بدنك وانا اخوك ِ
الاجمل مرورك العطر
دمت ِ بود

[تبـ عاشق ـوك]

.
يسلم حسك
سلمت ياذيب
.
سلامي

[الشهاب]

صح لسان الشاعر وسلمت يمينك يا غالى
طرح مميز واكثر من رائع

تقبل حضوري

الشهاب

[عايض الحويطي]

صح لسان قايلها وتسلم ايادي ناقلها