اهداء من الشاعر فليح الصخري لقبيلة الحويطات

[الآتي الأخير]

ليا على روس الطويلات مجلاس ********** وانا على روس الطويلات ضاري

افتح لها صدري اذا هب نسناس **********واصد وجهي عن هبوب الذواري

اضرب على راس الندم والعن الياس *********وادمح سحاب القيض واشب ناري

وآخذ من البيض الرهيفات قرطاس **********واعد جزل القاف عد المصاري

اصفر ذهب يلمع مثل لمعة الماس **********لون الدفاين في بطون الصحاري

لا جيت اسوقه بين شطحه وهوجاس *********وافتح مكامينه على كل قاري

يطري عليّا ناس وانسى بعض ناس **********دام الردي حيشاك ماله محاري

واذكر وفيين العهد خيرة الناس ************شم الخشوم مهجنين الضواري

هداتهم بين العرب ترفع الراس ************ولّا البيارق فوق روس السواري

طير الحباري يكفخه حر قرناس ************ وذولا قرانيس ٍ تصيد الحباري

متوارثين المرجله ساس عن ساس **********وارداهم اللي للنواميس شاري

من قال انا حويطي اخذ كل نوماس **********من طيب جده ما شراه بمصاري

اهل نقا لا وقعت الفاس بالراس ************حمر السيوف مدسّمين الشباري

خوالي اللي بالمواقف لهم باس ************** يوم المواقف بين بايع وشاري

اسوق رجلي يمهم قبل الادماس ************كلما طرالي بتالي الليل طاري

يقوله اللي بالحويطات له ناس ************* قمرا سما هم شرّهت كل ساري



(http://www.alhowaitat.net/#)

[حويطي الشمال]

صح لسان الشاعر الكبير فليح الصخري
وبيض الله وجهه..قصيده وافيه ويستاهلون اهل الكرم
تقديري استاذنا ابو ثامر

[نايف مقبول]

صح لسان الشاعر الكبير فليح الصخري

قصيدة جزلة وجميلة
والله يعطيه الف عافيه

{تحيتي للشاعر والناقل}

[السلطان]

يقوله اللي بالحويطات له ناس ************* قمرا سما هم شرّهت كل ساري


قصيدة جزلة ووافية وبيض الله وجه الشاعر فليح الصخري
و هذا الطيب و الوفاء غير مستغرب على رجال بني صخر

[عربى الحويطى]

بيض الله وجه الشاعر فليح الصخرى
وشكر وتقدير
للاخ ابو ثامر

[عربى الحويطى]

بيض الله وجه الشاعر فليح الصخرى
وشكر وتقدير
للأخ ابوثامر

[عايض الحويطي]

صح لسان الشاعر فليح الصخري
والحويطات اهل الكرم والجود ويستاهلون المدح
وماعليكم زود يابني صخر

[يعقوب العمراني]

بارك الله فيك القصيدة وافيه ، وصح لسان الشاعر فليح الجبور الصخري ونعم فيه وفي ربعه بني صخر حمران النواظر خوالي وافتخر .