اللوز لامنه لبس ثوب الافراح

[فيروزه]

اللوز لامنه لبس ثوب الافراح *** الناس تجي للوز من كل ديره
صوت المؤذن به مسيه ومصباح ***وغنت به الشعار واهل البصيره
الشيح والقيصوم والعطر لافاح***من كل بره عاليه مستديره
مفلى الوعول متعبه كل سباح***المحترف راعي الصواري القصيره
واهله سعوديين دركين وصحاح***اهل البيوت الواسعه والكبيره
وكله تحت ظل العلم نجني الارباح*** وجنود اخو نوره عليه وتديره
مستقبله طيب لزاير وسواح***اهل التجاره والرجال الخبيره
يغنيك عن لندن وبيروت وارتاح***واجعل فلوسك داخل ارضك ذخيره
وشيد وعمرواشتغل فيه فلاح***بيديك تجني من نعيمه وخيره
وسو الحدايق واستراحات الافراح***وازرع من الزيتون وازرع شعيره
وازرع بها نرجس وورد وتفاح***والتين والزيتون واحضر خبيره
ولاتصحي النايم ولا تصير نباح***تركض ورا من حط شيك وحضيره
وخل التعصب واقفو قلب وجناح***كل يسوي بقدرته في مسيره
وقلب يشيل الحسد ماهو بمرتاح***والعمر يفنى والليالي قصيره
وهذا ربيع الخير والشر ينزاح***ماهو ربيع اهل الوجوه الشريره
دم يسيل وذبح نسوان وصياح***ياكبرها وانا اشهد انها كبيره
ويعيش ابو متعب لنا عز وسلاح***وبحكمته خلى الكبيره صغيره
قاد السفينه واعتلى كل ملاح***واطلب من الرحمن ربي يجيره
خير ضفى واعطى مريضين وصحاح***ع الجار واللاجئ وع المستجيره
وصلاة ربي عد مابرقها لاح***على نبي الله صافي السريره


شاعر العمران:فرج بن محيسن العمراني

الثلاثاء
1434/4/2

[قمرالشمال]

ولاتصحي النايم ولا تصير نباح***تركض ورا من حط شيك وحضيره
وخل التعصب واقفو قلب وجناح***كل يسوي بقدرته في مسيره

http://www.lakii.com/vb/attachments/a-24/119693d1336509595-a-78.gif

[طلال بتال]

صح لسان الشاعر بن محيسن ،،،

ومشكورة ع النقل الرائع خيتو ،،،

[النابي]

http://forum.te3p.com/images/images_thumbs/72b5d08b1c1232a1909c25f1250c9da5.jpg

اللــوز لامنه لبس ثوووب الافراح
النــاس تجي للــوز من كل ديــره
صوت المؤذن به مسيه ومصباح
وغنت به الشعار واهل البصيــره
الشيـح والقيصـووم والعطر لافاح
من كل بـــره عاليــه مســـتديــره

***
صح لسان الشاعر وتسلم يمين الكاتب