|
القب الأصايل
الوفى طبعي وأنا راع الوفى والطيب والشيمه ،،،،،،،،،،،، نيتـــي بيـــضى وربـــي ساقــها لدربي مطيـه
، صادق لكل من صدقني وقيمــته بألفـــين قيمه ،،،،،،،،،،،، أحفضـــه وأسعـــى لوصله وآتناســـى للبقيــه ، ليت نـــاسٍ يـــوم أنا شايلهم قـــــدر وحشيمه ،،،،،،،،،،،، قدروني حـــق قــدري وش جدى طعونٍ قويه ، لاكــن الشكوى علــى الله راحـت علومٍ قديمـه ،،،،،،،،،،،، مع رجال الصدق ورجال الوفى رجال الحمـيه ، مع هــل الهقوات والفزعات وقلــوبٍ عــديمه ،،،،،،،،،،،، كـــم على القــب الأصـايل وردو حوض المنيه ، التقاليد العريقه دربهم والأفعــــال العضــيمه ،،،،،،،،،،،، يرفعون نفوسهم مامـــنهم نـــفـــسٍ رديــــــه ، عصرنا يابــــوي فتنــه تجذب الرجل وتضيمه ،،،،،،،،،،، تلعب بحـــاله وعمـــره كلهــا دروبٍ خفيـــــــه ، آه ليتـــك ماطــويت مشـــرعٍ مثلك نديـــــــمه ،،،،،،،،،،، ولاجلبت الـــذود ولاشفنى القرى عقب الفضيـه ، لاقرينا ولاكتبنا خلنــــا دقــــــــــه قديمــــــــه ،،،،،،،،،،، ولانبي غيـــرك معلم مانبــي عن الشمس فّــيه ، الهـــوى وليل الصحاري حلوها لوهي عتيمـه ،،،،،،،،،،،،، قلبي بعشق الصحاري مولع بروحــــه وجيـــه ، آه ياحـــــلو البـــداوه والــــدروب المستقيمه ،،،،،،،،،،،، في شقـــاهــا وفي تعبــها ولو كوتنا ألف كـــيه ، ياحـــلو شيلة نداوي في قفار أرضٍ وسيـمه ،،،،،،،،،،،، مـــاسبــــقك لقفـــرها قّنـــاص فرمـــالٍ نقيــــــه ، مـــرخيٍ برقع قليل الريش والعاصي غريمه ،،،،،،،،،،،، لاكفــــخ صفــــقة جنــــاحه صفـــق كفـين بهبيه ، عيبـــــه أنه مايمـــــل مـــن الهداد ولايضيمه ،،،،،،،،،،،، بالوطـــى اللــي كوبرتله وبالسما لوهي عصيه ، وأنت والله مـــثل طيرك ضاري لجلب الغنيمه ،،،،،،،،،،،،(وبالضبى بخصٍ وضاري) كم عنودٍ لك حضيه |
رد: القب الأصايل
ياحـــلو شيلة نداوي في قفار أرضٍ وسيـمه ،،،،،،،،،،،، مـــاسبــــقك لقفـــرها قّنـــاص فرمـــالٍ نقيــــــه
صح لسانك على القصيده ياشاعر الشمال ونعم فيك ياابن العم وافي في حرفك الفريد ولاهنت ولاهنت |
رد: القب الأصايل
وأنت والله مـــثل طيرك ضاري لجلب الغنيمه ،،،،،،،،،،،،(وبالضبى بخصٍ وضاري) كم عنودٍ لك حضيه</B></I>
و النعم و الله يا اخو عليا انا اشهد انك راعي الطيب و الوفا و العلوم الي ترفع الراس و تنومس الخوي صح لسانك على هالجزلة الوافية و المحتوية على الكثير من الصور الرائعة امتعتنا بهذه المذهبة يا راعي الفرايد كل عام و انتم بخير |
رد: القب الأصايل
[QUOTE=طير السعد;444860]ياحـــلو شيلة نداوي في قفار أرضٍ وسيـمه ،،،،،،،،،،،، مـــاسبــــقك لقفـــرها قّنـــاص فرمـــالٍ نقيــــــه
صح لسانك على القصيده ياشاعر الشمال ونعم فيك ياابن العم وافي في حرفك الفريد ولاهنت ياهلا بشاعرنا طير السعد وصح بدنك ياغالي ولاعليكم زود يابن العم لابالعلوم ولابالقصيد أشكرك أخي على ماجاء من كلام طيب لايأتي ألا من قلب صافي ونقي لك كل التحيه والتقدير |
رد: القب الأصايل
اقتباس:
وأنتم روس العرب وفخر لقبيلتنا نعتز ونتشرف دائما بطاريكم اللذي يرفع الراس صح بدنك أخي الغالي الآتي الأخير والنص اللذي يلاقي أعجاب شاعر بحجم الآتي الأخير يعتبر ناجح لأنه نال شهادة شاعر كبير وراقي في ذوقه وتعامله مع الآخرين شكرا لك أخي على هذه الكلمات وتقبل كل التقدير والأحترام وكل عام وأنتم بخير |
رد: القب الأصايل
لاقرينا ولاكتبنا خلنــــا دقــــــــــه قديمــــــــه ،،،،،،،،،،، ولانبي غيـــرك معلم مانبــي عن الشمس فّــيه
عز الله تحفه فنيه أخوي حسين ابوتايه صح لسانك |
رد: القب الأصايل
قصيدة جزلة
مليئة بالصور والمعاني الجميلة صح لسانك شاعرنا |
رد: القب الأصايل
الشاعر حسين ابوتايه
صح لسانك على القصيده الجزله التي استمتع وانا اقراها |
رد: القب الأصايل
اقتباس:
وصح بدنك وماقصرت مرورك يعني الكثير بالنسبه لي لك كل التحيه والتقدير |
رد: القب الأصايل
اقتباس:
وشكرا لك ااختي ندى على هذا المرور العذب لك كل التحيات و والتقدير والأحترام |
رد: القب الأصايل
اقتباس:
وصح بدنك وشكرا لك على هذا المرور ولك تحياتي وتقديري |
رد: القب الأصايل
الهـــوى وليل الصحاري حلوها لوهي عتيمـه ،،،،،،،،،،،،، قلبي بعشق الصحاري مولع بروحــــه وجيـــه
، آه ياحـــــلو البـــداوه والــــدروب المستقيمه ،،،،،،،،،،،، في شقـــاهــا وفي تعبــها ولو كوتنا ألف كـــيه ، ياحـــلو شيلة نداوي في قفار أرضٍ وسيـمه ،،،،،،،،،،،، مـــاسبــــقك لقفـــرها قّنـــاص فرمـــالٍ نقيــــــه ، مـــرخيٍ برقع قليل الريش والعاصي غريمه ،،،،،،،،،،،، لاكفــــخ صفــــقة جنــــاحه صفـــق كفـين بهبيه جبتها على الجرح ياحسين وقصيده اعتبرها من عيون الشعر لما تضمنته من معاني كلها تشرح البال والخاطر واكتمل جمالها بحسن بناءك للنص واستخدامك للاداوت الشعريه بكل اقتدار. زادك الله علما وادبا وبصيره,,,, تقبل اجما التحايا وارفها.... اخوك/ابوعمــــــــــــمر’’’’ |
رد: القب الأصايل
اقتباس:
في جميع المناسبات ولاقصور بباقي الأخوه الشعراء الأخ الشاعر مسلم العميري اللذي نأخذ الدروس بالشعر مما يقدمه لنا شكرا لك أخي الغالي أبو عمر على مرورك اللذي يعني الكثير لأي شاعر تقبل كل التحيات والتقدير وشهر مبارك وكل عام وأنتم بخير |
رد: القب الأصايل
عز الله انها قصيده جزله من شاعر جزل
لا تحرمنا شعرك ابو سيف تحياتي |
رد: القب الأصايل
صح لسانك يا أبو سيف وقصيدة جزلة والله يرحم رجل على الطيب رباك،،،وجعله إن شاء من أهل الخير...
عصرنا يابــــوي فتنــه تجذب الرجل وتضيمه ،،،،،،،،،،، تلعب بحـــاله وعمـــره كلهــا دروبٍ خفيـــــــه ، آه ليتـــك ماطــويت مشـــرعٍ مثلك نديـــــــمه ،،،،،،،،،،، ولاجلبت الـــذود ولاشفنى القرى عقب الفضيـه ، لاقرينا ولاكتبنا خلنــــا دقــــــــــه قديمــــــــه ،،،،،،،،،،، ولانبي غيـــرك معلم مانبــي عن الشمس فّــيه وتقبل هذا الإهداء للشاعر الكبير بدر بن عبدالمحسن: أخوك متعب المتعب يا بنت انا للشمس في جلدي حروق .......................................وعلى سموم القيظ تزهر حياتـــــــي أطرد سراب اللآل في مرتع النـــــوق ......................................ومن الضما يجرح اللساني لهاتــــــــي عاري جسد والليل هتان وبـــــــروق ......................................دفاي انا والبرد سمال العباتـــــــــــــي ان عذربوني بعض خلانك..صـــــدوق ......................................يا بنت انا عشق الخلا من صفاتــــــــي وشم علي رمال المتاييه مدقـــــوق .....................................لاشك من منهم يسوي سواتـــــــــــي انا بدوي ثوبي علي المتن مشقوق .....................................ومن الجبال السمر صبري ثباتـــــــــــي ومن النخيل خلقت وانا هامتي فوق .....................................وما اعتدت انا أحني قامتي الا فصلاتي ولا افتخر بافعال يمناه مخلـــــــــوق .....................................يا بنت انا فعلي شهوده عداتــــــــــــي الله خلقني وكلمه الحق بوفــــــوق .....................................وملكت الارض وراس مالي عصاتــــــي |
رد: القب الأصايل
اقتباس:
وشكرا لهذا المرور العذب كالعاده لك كل التحيات والتقدير |
رد: القب الأصايل
اقتباس:
والله يطول عمر من على الطيب رباك ومرورك دائما له أسلوب جميل ورائع . لك كل التحيه أخي متعب وشكرا لك على هذا الأهداء الجميل وكل عام وأنت بخير |
| الساعة الآن 09:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL