مو مشكله لا تاق قلبك للقريب
المشكله لا تاق برى العايله
اكل العنب ماهو مثل اكل الزبيب
ويفرق عن الحصرم على دوايله
حبي انا لو اقنعك ما هو عجيب
موجود فعلا بس ماني طايله
قريب واقرب لي من احبال الجليب
بعيد لو اني امد ارشاي له
حب الاميره مثل شعر السبيب
اما انقطع ولى يجيب النايله
وحب الفقيره مثل وجه الغريب
وجهه معه يا مار همه شايله
يمطوع ابريده متى ودك تجيب
يا شيخ افتي امر دنيا زايله
حتى الصحيب اللي يسمونه صحيب
مرات ينسى بالخوي جمايله
اللي يقول الحب هو حظ ونصيب
كذاب يحلم بالنجوم القايله
حب ٍ يغنيني بصوت العندليب
وحب ٍ يعطّشني ويا ظماي له
وحب ٍ ادوره في وجيه ٍ ما تغيب
وحب ٍ غيابه تذبحك رسايله
ويلي انا ويلاه بالحب الصعيب
جسم الظبي وامعكرش ٍ جدايله
يا هل ترى فعلا ً بعد هذا اطيب؟
والزعفران امقنّد ٍ في وايله
قولوا له انّه جدول اعمالي كئيب
أمّة إله الا الله المتفايله
اني ابيع المي في حارة رويب
يا ويش ابيع ابحارة السقّا يله
لو نلتقي مره قبل شمس المغيب
مناه والله يا هلي وامناي له
الحب برى العايله
العرض الشجري