اعطوني توقيع هقاوي العمر

بسم الله الرحمن الرحيم

اطلب من الادارة تغيير توقيع هقاوي العمر و حذف صورة الحرمة الي فيه و وضع صورتي انا .
و شيلوا اسمها و حطوا اسمي لان التوقيع عاجبني .
و ناوي اسرقه لاني احق فيه منها .
و بعدين هي وش لها و للحباري و المقانيص و الطيور .
هي حدها تجيب دجاجة من عند فقيه و تنتف ريشها و تسلقها و تشرب مرقتها و تنام .
يا اخوان الحريم ودهن يحطنا على اليسار . و حتى مقانيص الرجال ما سلمت من لقافتهن .
بكرة وحدة تقابل الثانية و تقول لها وين رايحة يا ام جريبيع ؟
فترد عليها الثانية و الله يا ام عيد انا اليوم ودي اقنص ادور الحباري و الصيد ؟؟؟؟؟؟؟؟؟؟؟
يا اخوان لابد من وقفة حازمة قدام طغيان الحريم و جبروتهن .
و الله ان ما شفنا لهن حل غير بكرة يطلبن العصمة في ايديهن و تروحوا فيها . و الحريم مثل ما انتم عارفين مفتريات و امريكا واقفة معهن . و حنا يالرجال ما معنا احد .
و مثل ما تعرفون حنا جنس مسالم و حبوب و اذا سكتنا بيطمعن فينا زود و انت وش رايك يا ابو عبد الله يا عمدة يا غايب .
و قد اعذر من انذر