( فقط للي ما يخاف ) قصة رحلة الى مستشفى عرقة المهجور - الشبكة العامة لقبائل الحويطات

18-10-09, 08:59 PM

السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا

التكمله !!

777777

المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه

شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل << صورة مع يذهل

مدري وشو

مدري وشو بعد بس يمكن حق تسجيل مكالمات او هيك شئ

نو كومنت
لكن شكله من اثار الأذرس

مافيه احد منكم عمره اكثر من ثلاثين ؟ - عشان بس ماتوضح الفقشه -
هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات
لكن طبعا مع عوامل التكيف والتعريه تحولت من كنار لكبار

أحد الأسياب

عشان تصدقونـ(ـن) بس ان بعض الاجزاء منوره بس

اشونها مستودع اجهزه يلعبون علينا
هالغرفه داخلها كراااتييين hp وااجده الى السقف اجهزة جدييييده
ماقدرت اصور لان داخل الغرفه مظلم مره

احد غرف العمليات , باللهي ماتشبه غرف مستشفيات الأذرس
قايلكم لووست لوووست

جهاز بغرفة العمليات , شكله حق الاكسجين وتخطيط القلب والحاجات هذي

غرفة عمليات ثانية , شكلها حقت استنساخ على كثر الأجهزة اللي فيها

بسم الله علينا الرحمن الرحيم
نصابين رحنا لمكانهم ولا لقينا شئ

مخطط الدور الأرضي للمستشفى , الغريب اننا مالقينا الا دورين , ويوم قوقلت عنه
مكتوب انه 8 ادوار , يبيلنا روحه ثانية نشوف الأدوار الباقيه وين راحن

يوم شفت هالكيبورد تذكرت دقة كمبيوتر صخر

نعم نعم , هذا هو شكل المرأه قبل 30 سنه
قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي

سوي ادفع فاتووورااااه بعدين سوي ارجع مره تاااني
الرسبشن حقهم

والله اجهزه قوية , حسافة مثل هالمستشفى يترك ويرمى !

قسم العناية المركزه

شكلنا ضايقناهم بهاللمبات , ويقولو لنا طفوهن لاخلصتوا

حـــزن النبلآإء · 18-10-09, 11:24 PM

؟؟؟؟؟؟؟؟؟؟؟؟؟؟؟

والله شي غريب فعلا

حزن النبلاء ليه ماخليت رحلة الحكير حقتنا يم المستشفى

بس في النهار وانااخوك-الليل دغوووش زي ماتعرف

والله موضوع يستحق الاطلاع

واهل الريض ادرى بشعابها قصدي اهل مكه

بسم الله علي من الحين خفت وانا في حقل عآآآد

موفي الرياض

حزن النبلاء صدقني أول مره اعرف عنه

بس كيف اجهزه حديثه من 1400الصوره شاهده

ماني مكذبك ياخييي

سلام

حـــزن النبلآإء · 19-10-09, 05:03 PM

اقتباس:

المشاركة الأصلية كتبت بواسطة نديم الشمال

؟؟؟؟؟؟؟؟؟؟؟؟؟؟؟

والله شي غريب فعلا

حزن النبلاء ليه ماخليت رحلة الحكير حقتنا يم المستشفى

بس في النهار وانااخوك-الليل دغوووش زي ماتعرف

والله موضوع يستحق الاطلاع

واهل الريض ادرى بشعابها قصدي اهل مكه

بسم الله علي من الحين خفت وانا في حقل عآآآد

موفي الرياض

حزن النبلاء صدقني أول مره اعرف عنه

بس كيف اجهزه حديثه من 1400الصوره شاهده

ماني مكذبك ياخييي

سلام

خلااااص المره الجايه اذا جيت الرياض بتكون الرحله لهالمستشفى

يلا انت تعآل بس ولا يهمك نروح ونتمشى ونشوف الي ما ينشاف

حـــزن النبلآإء · 19-10-09, 11:00 AM

سملة عليك ولد العم
شكل الكمبيوتر لحسسس مخك وقناة سبيس تووون؟؟؟؟

حـــزن النبلآإء · 19-10-09, 05:06 PM

اقتباس:

المشاركة الأصلية كتبت بواسطة عبدالله الغنامي

سملة عليك ولد العم
شكل الكمبيوتر لحسسس مخك وقناة سبيس تووون؟؟؟؟

شفت كيف صار ابن عمي
بس انت ما شاء الله عليك تعرف لهالعلووم زين بنخليك دليلنا المرهـ الجايه

بس وش دخل سبيس تون بالموضوع ؟
والحاجه الثاني ايش تعني هالكلمه ( سملة )

حـــزن النبلآإء · 19-10-09, 12:39 PM

[align=center]الغريبه مآ نسرقـت الاجهزه لدلوقتي ؟!

طبعاً سبب ايقاف العمل فيه تلقوه في الجمله اللي فوق ^_* ..!؟

سلملم ..![/align]

حـــزن النبلآإء · 19-10-09, 05:09 PM

اقتباس:

المشاركة الأصلية كتبت بواسطة الدحمي

[align=center]الغريبه مآ نسرقـت الاجهزه لدلوقتي ؟!

طبعاً سبب ايقاف العمل فيه تلقوه في الجمله اللي فوق ^_* ..!؟

سلملم ..![/align]

صدق غريبه

بس الي بيدخله ويشوف السوالف الي فيه ما راح يجي بباله غير يحط ثوبه بين اسنانه وعيونه قايله كذا

حـــزن النبلآإء · 21-10-09, 03:49 PM

سبحاااااااااااان الله وبحمده منجد غريــــــــــــــــــب
ونتو لمن رحتو تحدون خوفكم
رجعتو رفعتو ثيابكم وركضتم ههههههههههه

حـــزن النبلآإء · 22-10-09, 10:14 AM

اقتباس:

المشاركة الأصلية كتبت بواسطة ملكه الليل

سبحاااااااااااان الله وبحمده منجد غريــــــــــــــــــب
ونتو لمن رحتو تحدون خوفكم
رجعتو رفعتو ثيابكم وركضتم ههههههههههه

الله ، شباصه داخله هالموضوع

شجاااااعه

ايه الزم ما على الواحد حياته

حـــزن النبلآإء · 23-10-09, 04:03 PM

وااااااااااااااااو
وربي وربي مغاامره غير شكل
لي خاطر ادش هالبنايه
بس مع اكثر من 18 شخص طبعا
<<مستشفى ومهجور وبالرياض وفيها اجهزه حديثه
والدوله ماتدري عنهمخليته سذي
,,, مدري وش يحس فيه الكاتب

أشكرك على المغامره

حـــزن النبلآإء · 24-10-09, 06:40 PM

اقتباس:

المشاركة الأصلية كتبت بواسطة دق التحية قدامك حويطية

وااااااااااااااااو
وربي وربي مغاامره غير شكل
لي خاطر ادش هالبنايه
بس مع اكثر من 18 شخص طبعا
<<مستشفى ومهجور وبالرياض وفيها اجهزه حديثه
والدوله ماتدري عنهمخليته سذي
,,, مدري وش يحس فيه الكاتب

أشكرك على المغامره

مشكورهـ على مرورك

يلا بنحجز لكم يوم يكون الدخول للنساء فقط والي داخل جنيات

حـــزن النبلآإء · 26-10-09, 10:43 PM

مشكور أخوي عالموضوع
ليتنى معاكم
والله أحب المغامرات اللى كذا

حـــزن النبلآإء · 27-10-09, 02:29 AM

حزن أنت للحين عآيش !!!
تيب أنآ بسآلك نمت هذيك الليله ,,,
أنآ مره سمعت صوت من ولد عند شيخ يومين مآ أنآم بس بعدهآ تعودت على الصوت

بس بسآلك مآحآولت تروح للمستشفى الصبح يمكن الجو غير ,,,
>> كل السآلفه أسئله ,,,

بس جد مغآمره غيييييير شكل,,,
اقول المره الجآيه أحسب حسآبي معكم
يعطيك العآفيه بس نسيت أسآل أخر سؤآل ,,,
متى تعرض القصه على mbc أكشن ,,,,

حـــزن النبلآإء · 27-10-09, 02:39 AM

اقتباس:

نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

طيب أمر الله وجتكم الفكره

بس الفكره تضل فكره

كيف جاكم قلب وتنفذوها !!

لا ومرتين كمان راجعين له

من جد ما شاء الله عليكم

طيب سؤال الحين ما تجيكم كوابيس

حـــزن النبلآإء · 27-10-09, 02:51 AM

ونااسه وربي ليتني اروح وادخله

اذكر قبل كم سنه كنا ساكنين في بيت كبير مرررره وكان فيه بسم الله لما نشغل اغاني ينزل على الغرف اللي تحت ماي كثير ولا سكرنا المسجل بطل ينزل ونسمع اصوات فوق من عند الدرايش ومره شفته وانا صاحيه نوم شي اسود سميت وراح وربي البيت وطلعنا من البيت وحتى اقنعونا ناخذه بـ 100 الف ابوي رفض ياخذه عن جد البيت يستاهل اكثر مره كبير بس خساره فيه بسم الله

شوكرا على القصه الحلوه واحلا شي المغامرات اللي هيك تقوي القلب

حـــزن النبلآإء · 27-10-09, 04:43 AM

بسم الله الرحمن الرحيم
السلام عليكم ورحمة الله وبركاته
تحيه عطره
ويعطيكم العافيه000 وما اتمنى اكون معاكم
بس من جد مغامره تخوف
تكبر وتروح غيرها

حـــزن النبلآإء · 27-10-09, 09:05 AM

المنادى / حيآك الله ومشكور علىآ مرورك

كفآك / أبشرك عآآآيش ونمت أحلىآ نوومه ، لا لا بالليل احلىآ وبالنسبه لعرضها علىآ أكشن
بعد ما يخلص لوست يبدأ العرض

جلنار / حيآك الله ومشكور علىآ مرورك ،

دلــع / حياك الله ومشكورهـ علىآ مرورك , أجل مويه تنزل تحت ، شكلهم يغسلون العرق اذا استزاروا من أغانيك ، لو بريآل واحد لا تاخذونه ، مافي شي أهم من راحة البآل

نووف / حيآك الله ومشكورهـ علىآ مرورك

حـــزن النبلآإء · 13-12-09, 06:53 PM

,’

شـكــ وبارك الله فيك ـــرا لك ... لك مني أجمل تحية .

الذين يشاهدون محتوى الموضوع الآن : 1 ( الأعضاء 0 والزوار 1)