(ثعلب الآراك)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياثعلـب الآراك لاتلّعـب الذيـل=لاتحسب ان الروض كله ارانـب
حولك اسود وحولك ذيابة الليـل=كل الدروب ملغمـات الجوانـب
يشوفك الصياد من تاسـع الميـل=وان صادفك طاولك بام الشخانب
لوتجتمع كل الثعالـب جهاجيـل=مافكتك من قبضة ابـو شوانـب
لوتملك اسلوب المكر والتحاييـل=مكشوف للاقراب قبـل الاجانـب
اركد وميّز كفـة العـدل والميـل=قدام لايقصـوا عليـك الذوانـب
الحر بعيونه على القمـه يخيـل=يخيل الفياض الرافضه والطوانب
يااللي تمثل جانب الصلح تمثيـل=اتقنت جانب منه واهملت جانـب [/poem]