اعتراض عالمي على العمدة

ياعمده خلك على البصمه ازين

لالا امزح ياعمده لا تقلب علي انا صاحبك الى طلعك يوم انك

مغرز وعقب ما سحبتك تقول انا ماودي اطري


الكفرات ولا على طول

جيبي يطلع مسنن


المهم ياعمده مالك ومال كثر الحكي

انا رجل جيتك فزاع بالتوقيع عشان ماتشمت فيك العربان

المهم انا والتصميم ماحنا بالحيل لكن لك علي الكلمات

وانت لك شعبيه عاليه في المنتدى وما يقصروا معك

يعني قلهم تصميم يجيك خمسه (مين قدك)


خذ عندك الكلمات وهي مناسه لك ياعمده وللجيب حقك

وتنقي منها ولا حطها كامله مثل ماودك


لاضاق بالي من تصاريف الايام
............................ركبت جيبي ليل ولا نهاري

متوجه للبر ماودي انام
........................ودي نسيم البر وقت العصاري

ودي مقانيص ولاجت بالاحلام
.......................فيه الوعول والبدون الكباري

ومعي اثنين من ربوع كرام
.......................واحد على يمناي والثاني يساري

والكل متحزم على البطن بحزام
...........................وسلاحنا ابيض في يدينا ضماني
وألي لقينا الخبت نبني به خيام
..........................ورحب بالي بلخفاي لحالي

واشب ناري الفجر قبل مغرام
............................واقلط الدله على جنب ناري

وسوي البراد والشاي بيدام
........................وذا مانلتم نضام البراري

والى انتهينا نقوم نمشي على الاقدام
........................نلقى اثرهن في السهول المذاري

ومقيل في مرقب الطير لاحام
.....................ماياصلوه ومن قوته حذاري

واذ انطلق عرد من السوح مريام
.................يلقى مصيره قبل عشرة امتاري

واحد رماه وواحد يجيبه شمام
...................ونا احطب من الغضى والسيالي

ونعلقه قبل الضحى في فرع ورضام
................والشمس حمر ويغشاه السحابي

وحط معلاقه على النار قدام
................ومن الضلوع الي بها الدهن حادي