حاشد الهمه

المراجل ترفع الرجل للقمه
والقمم ميرودها كود روادي

الحمول إيشيلها حاشد الهمه
ما ثناه الوقت والرايح الغادي

جعل وقتك ما يحدك على الرمه
صاحب الوجهين والقلب حسادي

سعد قلبه بس لا شافله لمه
اللسان اخبار لا شغل الرادي

سم نابه شوفة الناس ملتمه
بس يبي يفتن على الخلق ويعادي

إرخمه تلقى جوابه على كمه
ما تروى السالفه وان كذب عادي

لا مسك كلمه بدى يسرد النمه
ولا غبن هالصيد تلقاه صيادي

غثرب العد المصفى نثر سمه
بين عد فلان وفلان ورادي

المدبر ما دهل طيب أخو شمه
والمقفي ما عرف سايل الوادي

والمزابي فالعرب يا ثقل دمه
شال كرش الفيل والجسم منطادي

ما يحَشم لحيته عن ولد عمه
وللحليله يطري الفعل وينادي

ليت بقعه لا وصل حده اتخمه
عن عيوب الناس تلقاه نشادي

ليتعجل عيشته كلها غمه
جعل ما يمري على بطنه الزادي

الردي ودك تخمه على فمه
والرجل للطيب ما هوب ينقادي

الردي يا جعل ما جابته امه
إيخسي ما مدله بيض الايادي

الردي وابن الردي ما أجي يمه
لو بديه الرزق ما جيتله بادي

أو تخلي كل واحد على همه
لا تجي للناس والجو مو هادي

والرجل وان حده الوقت ليهمه
لا حرقت العود بالطيب يزدادي

يا سقا الله أحضن الورد وآشمه
واقطف اليشموم والفل والكادي

كل ما هب الهوى اعشق الضمه
الحنايا ضاميه حيل يبلادي

للديار الزاكيه وجه اليمه
وام سالم غرد احساسها الشادي

والحبيب اللي تمنيت بآآآآلمه
أحضنه والعمر ما ظن ينعادي

شـكــ وبارك الله فيك ـــرا لك ... لك مني أجمل تحية .

يعطيك العافيه اخوي

وبيض الله وجهك