تطيح من الحزن دمعة تبلل خدي الموجوع=وأنا واقف على حزَة وصولك يمَة غيابك
أخايل جيَتك يمي وتحكي لي العتب ممنوع=وآنا كلي ذبحني الشوق /ماني ناوي عتابك
و تفضا صالة الميناء تودَع في ثواني جموع=كلن شاف غيَابه/ وأنت ربي أدرى بك
وأنا اللي كل ماعدا على عمر الغياب أسبوع=تأخذني دروبك لين ما أقف لك على بابك
و أنادي بصوتي الدافي ولا كنت أحسبة مسموع=إلا يوم جيرانك حكوا لي ( أنت وش جابك؟
أزعجت المكان وضاق مني بابك المفجوع= كأنة يقول لي تكفى ترى ما صابني صابك
حبيبي ما شعرت إن الأمل في رجعتك مقطوع=إلا يوم شفت الدمع غطى رجعة أقرابك
أواسيهم/ وانا خايف دموعي لا تخدش طبوع=أواليهم / لأن أهدابهم فيها من أهدابك
أحايلهم على الجيَة ولا ألقى للحكي موضوع=يكود إني أريد أشوف ماطا رجلك ترابك
وتذرف عيني الدمعة تبلل خدي الموجوع=وأنا واقف على حزَة (غيابك) يمّة غيابك[/poem]
يمَة غيابك
العرض العادي
