السؤال اللي بقى.. يا غربتي وين النهايه؟!!
والوطن .. أي البلاد يكون فيها موطني ؟!!
الخيال اللي يسابق خطوتي عكّـر صفايه
قام يسأل ..وادري انه مستحيل يدلني
ما تعبت من السفر .. لكن تذكرت البدايه
الوطن .. والحلم .. وامي .. ذكريات تهدني
رحلتي .. لا ما تعبت ولا تمنيت الكفايه
كان ابوصل موطني كل الشقا ما همني
باقي ٍ بعض الرجاوي لو يسايرني شقايه
باقي ٍ بالأرض منفى عن شقاي يضمني
ودي اترك للغريب اللي يجي بعدي وصايه
كان من هو سار عقبي بالنصايح يغتني
التعب للروح لو زلت عن دروب الهدايه
والجسد طوع العقول ويرتضي ما تجتني
البصيره يالبصير وذي نهايات الروايه
احسب حساب اليقين وقامتك لا تنحني
لا تقول انك فطين ولو تعلمت القرايه
ما يفيد العلم شخص ٍ بالعبر ما ينثني
كنت انا قبلك غريب ٍ مير ضمتني بنايه
وانت مثلي لك وطن بكره عشانك ينبني
تحياتي
طـــارقـــ الروضاني
السؤال اللي بقى ياغربتي وين النهايه
العرض العادي
