[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] انا اللي هالوفاء خانه في موعد صعب تبريره=انا اللي لو شكيت اليوم صعب الوقت يشكيني
اداريها انا كلّي لجل الملح والجيره=ولا ودي ازعلّها واكدر خاطر الزيني
لو ان الوقت ياروعه يخلي للعذر ديره=كان الوقت يسكني ولا اظنه بـ / ينفيني
هذاك الشوق مايمديه لانه ساكن بحيره=ولانه ماسكن إلاّ في يوم إنك تناديني
انا كلي ترى عايش وسط الشوق واساطيره=أخذني صوبك المنفأ ولا ودي يعاديني
ولا ودي ياكود إنه يعود الوقت تصويره=لجل ماتبقى هالصوره معها في عناويني
قالوا من زمن حكمه تدوس الوقت معاذيره=وانا عذري ترى واضح واحط العين بالعيني
كانت جيّتك صدفه عطت للعشق ازاهيره =وعطت للروح نبع وصار وجوده حيل يرويني
كان اعجاب متواصل تولى الوقت تطويره=كلمه من ورى كلمه كان الشوق يباريني
ياروعه يابعد من لي كتبك الشعر تحريره=سلامة عمرك أدمنتك ولاغيرك يناجيني
ترى بعض الغلا يكفي وبعض الشوق تصبيره=وبعض الشوق مايشرى لو هو بالملاييني
وانا اهديت لك هالشوق وانتي عيدي تصديره=كتبتك وانتهت قصه واقري اليوم دواويني[/poem]
أتمنى ان تحوز على رضاكم ..
عبدالعزيز الرقابي
][ روعة الدنيا ][
العرض العادي
