عطيتهم صـدري نهـر واشربونـي
........................... حسبي عليهم جففونـي و أنـا حـيّ
جوني مثل سرب الجراد .. اهجدوني
........................... تناهبونـي مـتركـوا حاجـة ٍ فـيّ
لفَّـوا علـيّ إحبالهـم واخنقـونـي
........................... و انا لا جاهم بـرد أغطِّيهـم ايْـديّ
يا ليتهـم مثـل الغريـب ابعيونـي
........................... مير البلا أبعدهم أقـرب مـن الخـيّ
لا جمَّـع الله شملهـم .. قطَّعـونـي
........................... الله وكيلـك ياكلـون اللحـم نــيّ
ويوم اشْبعوا جوني حزن و طلبوني !
........................... ادمح خطاهم و الطعون اشهقت : عيّ
وشلون اسامحهم و انا ايَّـام كونـي
........................... كل ما ذكرت اوجيههم تمتلي غـيّ !
يـَ ريوف والله من كثر مـَ طْعنوني
........................... يـَ الله وِِيـَ الله انقل اعْظام رجلـيّ
بغيب عنّهم و اغترب مـع لحونـي
........................... و انت ِ لا غنّيت اللحون افطني لـيّ
بكوي بها اجْروح انْشِبَت في متونـي
........................... مع إن بَعَضْهَا افتوق ما يفيدها كـيّ
مديت لك بلواي , ثقلـي , جنونـي
........................... حتى العُمر ! لكن أنا منك وش لـيّ؟
الفقد و أنت ِ و الحنيـن و ظنونـي
........................... أشياء من صغري و هي تزدحم بـيّ
شاعر ولا اشبِه غير ناس اسكنونـي
........................... غابوا .. ولا خلوا من انفاسهم شـيّ
ياما بَعَدْهُم ألْمـح ايْديـن .. دونـي
........................... تاخذ كثير و تترك إلـْ صدري اشْويّ
شُوفِي فقدت امْـن الغرابيـل لونـي
........................... كني غصن شاحب ورق .. ينتظر ميّ
هذا أنـا مـن غَيّبـوا و اتركونـي
........................... نفس الملامح و التفاصيل هِـي هِـيّ
نآصر حطآب الدهمشي
تحياتي
حسبي عليهم
العرض العادي
