الله يحمي بلادنا ويكفيها شر الحاسدين...
واعجبتني قصيده للشاعر الجميل...خلف المشعان بهذه المناسبه...
مايتبع علوم السفيّه .. بذمتّي غيـر السفيـه
يعني على رأي المثل ( اعمى يقوده إمعّـه ) .؟
تبت يدين الإمعّه .. واللي معه .. تبّت يديـه
بوق الدجل ، شيخ الجدل ، والسربه اللي تتبعه
فقيه علم البلبله ، بهلولهـم ، سعـد الفقيـه
اللي يريد إصلاحنا ، اصل الفسـاد ومنبعـه
تحشم سمو المملكه ، عـن مايقـول ويدعيّـه
من يسمع علومه خبل ، لو عاد فكّر يسمعـه
والله ولا 100 سعد ، يهزنـا بـدري عليـه
مازعزعوا حب ( الوطن ) زمرة فساد مجمعّـه
حنا تحت أمر النزيه ، ابن النزيه ، ابـن النزيـه
اللي بذكره يحتمي بيت القصيـد ، ومطلعـه
لاقال أبو متعب كذا ، قلنا كذا من غير ليـه
حنا الزنّاد اللي رفع صـدره لضمّـة إصبعـه
ناقف مثل صف الفشق بالمحزم اللـي يرتديـه
من لا ارتدع عن دارنا ، أدنى حدينـا يردعـه
الدار نخله ، دونها سيفيـن ياحضـرة فقيـه
الشرع ، ثم ( آل السعود ) وغيرهم مانتبعـه
مايتبع علوم السفيه ، بذمتّـي غيـر السفيـه
وأنتم مثل قول المثل ( أعمى يقوده امعّـه ).؟
رد: صقور نايف بالمرصاد ويل لكل من تسول له نفسه للعبث بأمن المملكه
العرض المتطور
