عقب البطا لاقيت ظافي الجديلات..

السلام عليكم ورحمة الله وبركاته

قصيدة رائعة عن الفراق

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا



وارجع واكرر كلمةٍ لي بسكات = ياليتنا عقب البطا ماالتقينا

الــــــــــــــــــجزء الثــــــــــــــــــاني

تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

طوينا صفحة الماضي وتبنا
خذينا اللي كفانا وانتهينا
وعن قولة نبي نصبر تعبنا
وعن من لا يراعينا سلينا

الفراق شيء مو سهل ع الانســــان
تسلمي بحه على هالقصيدة الأكثر من رائعة
صح لساااان قايلهااا
يعطيك ألف عافية على الأختيااار والنقل الرائع
سلمت يمناااك

تقبلي مروري



سمو

الله يديم المحبة بين كل خل وخليله ... ولا يجيب فراااق

بحة الشووق أخترت فأحسنت الاختيار

سلمت يدآآآك على القصيده الرااائعه ...

ودي ...

صاحبة السمووووو & عبدالمجيد بن غازي

حياااااااكم الله ..

شاكره لكم هذا المرور الراقي..

تحياتي

مدري ليييييش يابحة ؟؟
ليه انقلبت القافيه في الجزء الثاني؟
..طبت وطابت ايامكــ

اختيار قمه في الذووق

تقبلي مروري

يعطيك العآفيه
ابيات حلووووه
تسلميين

نديم الشمال..

ابو عيسى الفحيماني..

الشوق..

الله يعطيكم العافيه جميعا..

شاكرة لكم مروركم العطر..

تحياتي..

قصيده جميله وأختيار قمه بالذوق ياأخت بحة الشوق
شكرالك وتقبلي تحياتي

المشاركة الأصلية كتبت بواسطة حسين أبوتايه

قصيده جميله وأختيار قمه بالذوق ياأخت بحة الشوق
شكرالك وتقبلي تحياتي

حياك الله أخوي حسين..

شاكرة لك مرورك وتعليقك..

تحياتي..

أبدعت ِ كعادتك في الإنتقاء

اشكرك على إمتاعنا بما طرحت ِ

دمت ِ بود











الذيب

قالت سليت وقلت عقبك سلينا = لكن عقب مالاعنا الحب مرات

يعطيك العافية أختي
جميع الأبيات تحمل تعبير رائع لحكاية جميلة صاغها الشاعر بأحساس تواجد في كل بيت
ودائما الشعر الجميل لايخرج عن أربع ( مشكلة _ وصف _ أحساس _ نصيحة )
مشكورة على الأختيار الجزل

المشاركة الأصلية كتبت بواسطة ذيب الشوامين

أبدعت ِ كعادتك في الإنتقاء

اشكرك على إمتاعنا بما طرحت ِ

دمت ِ بود











الذيب

حياك الله اخوي ذيب

اسعدني تواجدك هنا..

لك التحيه والتقدير..

المشاركة الأصلية كتبت بواسطة عاشق الادب

قالت سليت وقلت عقبك سلينا = لكن عقب مالاعنا الحب مرات

يعطيك العافية أختي
جميع الأبيات تحمل تعبير رائع لحكاية جميلة صاغها الشاعر بأحساس تواجد في كل بيت
ودائما الشعر الجميل لايخرج عن أربع ( مشكلة _ وصف _ أحساس _ نصيحة )

مشكورة على الأختيار الجزل

حياك الله اخوي عاشق الادب..

اشكرك على تواجدك الطيب..

تحياتي لك..