السلام عليكم ورحمة الله وبركاتة
اعزائي حدث امامي امر شائع ويمكن رؤيته يومياً امامكم واريد ان اعرف هل ماحاولت ان اقوم به صحيح ام خطأ حيث خرجت الى الممشى المتواجد على طريق الملك عبدالله جهة شارع ابو بكر الصديق وذلك لتمشية العيال وممارسة الرياضة والجو كان جميل وبديع ولكن خلال التمشيه ولمدة نصف ساعة لم ينقطع انغام صوت التفحيط في شارع ابو بكر الصديق وذلك بشكل مزعج ومؤكد انه خطير وكنت اقول يالله معقوله في ناس لحد الآن تفحط يعني الناس ماهي ناويه تقدر النعمه الله يعين .... المهم توجهت الى سيارتي وان في طريقي شاهدت المفحط ... شباب مراهقين يركبون سياره G M C سوبربان ويمشي بسرعة عاليه ويفحط يمين ويسار يعني يجدع على قولتهم والادهى وامر من كذا احدهم طالع من الشباك بكامل جسمه يعني لو قلب لا سمح الله كان راح فيها ... ركبت سيارتي واذا الشباب مستمرين رايحين جايين والدوريات ماعندك احد صراحه خفت عليهم وعلى الناس اللي تمشي وخفت يصدموني وقتها قررت اتصل على 999 ياسلام وش طلع لي ...... طوط طوط طوط طوط طوط الخط مشغول قلت ما مسك الخط واتصل مره ثانية نفس الشئ ومره ثالثة ورابعة وخامسة لحد ماوصلت طريق الجامعة وزهقت وان ادق .... يعني لو عندي حاله طارئه لاسمح الله رحت فيها وماحد رد .... وانا استغرب هذا الشئ وليست اول مره فسبق ان قمت بالأتصال علي 999 اثر رؤيتي حادث ونفس الشئ .. طوط طوط طوط
الله يكفيكم شر الحوادث والحالات الطارئه ... هذا في بلدنا التي نرجوا لها كل خير وسلامة .... نجي الى امريكا واروبا والدول المتقدمة على قولت ناصر القصبي ..... في امريكا مثلاً ... لو كنت في بيتك وبيتك هذا فيه اربعة غرف وفي كل غرفة هاتف مستقل وحدث لك طارئ ما فبمجرد اتصالك على 911 فإن رقمك وموقع بيتك وموقع الغرفة التي اتصلت منها يظهر لدى الموظف وبمجرد تلقيه بلاغك الطارئ يقوم بالأتصال فوراً بأقرب دوريه ... وش يقول له لف يمين ثاني شارع يسارك خذه ابتل تجيك فتحه بالرصيف خذ فوق حدر ثمن ارجع ثاني بيت على يمينك واذا مادليت ابعطيك جوال الرجال دق عليه واستوصف منه استلمت ... ايه استلمت بس اخلص من البوفيه بتوجه ... ( دعابه ) دافعها التطوير والتغيير .... طبعاً في امريكا فوراً يتصل باقرب دوريه ويعطيه اسم الشارع ورقم البيت ... يقوم رجل الدوريه اذا مايعرف المنطقة بأدخال المعلومات المعطاه له على جهاز G P S وينتقل فوراً للمكان في مده لاتزيد عن 5 دقايق وعلى حسب الحاله .... سرعة في التجاوب واخذ الامور بحزم وشده ودقه متناهيه ...
صدقوني يا أعزائي لست هنا امجد الغرب ولا امريكا ولا غيرها ولكن ياليت نستفيد من التطور الذي وصلوا اليه فأعتقد انه لا مانع من تقليدهم أيجابياً وترك السلبيات فقط شاطرين جبنا من عندهم ساهر ... مع اني ماشفت في امريكا ساهر ... فشرطتهم كالشياطين ماتدري من وين يطلع لك وهم بكثره وفي كل شارع تلقاهم .... وذلك ليس بغريب فالشرطه لديهم تتبع شركات خاصة وبعضها حكوميه ... فقط الشرطة التابعة لدوله هي الشرطة الفيدريالية .
ملحوظة : الرجاء لحد يتصل علي يسألني عن الموضوع .... طوط طوط طوط
وشكراً
ارجو اني وفقت في رأيي وان يكون النقد بناء في صميم بنض الوطن الغالي وتقبلوا تحياتي ،،،،،،
999 طوط طوط
رد: 999 طوط طوط
العرض العادي
