هذه قصيده للشاعر مسلم العميري القاها باحد احتفلات المتفوقين
[poem=font=",6,royalblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مبروك من حاز التفوق وجابه=يستاهل التكريم من هو يجيبه
كلن من الجنسين حقق مآبه=مبروك عقبال المعالي النجيبه
ولاظنتي بالامر داعي غرابه=لوكلها ممتاز ماهي غريبه
من يحسن التدبير يجني ثوابه=والمجتهد لابد ياخذ نصيبه
جهدك ومجهودك وباقي اتعابه=وراك بيت(ن)شاركك في =صعيبه
الاب من شانك يكابد عذابه=عن حاجته يعطيك مصروف جيبه
يخفي جروحه بالمزح والدعابه=من شان لاتشعر بصالي لهيبه
والام تدعي وتطلب الاستجابه=تتعب ولاترضى لولدها الغليبه
والمدرسه تسأل بساعة غيابه=ولاتبخل بتوجيه كل الشبيبه
خذ كلمتين(ن)ياعريب النجابه=من باب نصحي للرجال العريبه
عليك بالسنه وصفوة كتابه=المنهج الخالي من ادناة ريبه
العلم سيف(ن)لاتخلي نصابه=تبلغ مقامات العلا والمهيبه
اسلك طريق المجد وافتح ابوابه=تصبح من اصحاب العقول اللبيبه
انتم ستار البيت وانتم اطنابه=وانتم امل للآمه المستريبه
احذر رفيق السو واحذر اصحابه=لوقال خذ لك باختبارك حبيبه
جرب وشوف التكتكه والاجابه=يابيك تصبح من جنود الكتيبه
هذا عمى الانسان هذا خرابه=اياك تدفع من نجاحك ضريبه
ترى احترامك للمعلم مهابه=يزيد من قدرك ويعطيك هيبه
اياك بالعطله تصيبك رتابه=وقتك ثمين استثمره لاتذيبه
ويالاب لاتهمل اسلوب الرقابه=يمكن تلاحظ شي انته طبيبه
وصلاة ربي عد وبل السحابه=على النبي الهاشمي بالنسيبه
[/poem]
(مبرووك)قصيده للمتفـــوقـــــــين
العرض العادي
