أمه ضعيفه مايذرّي ذراها 000 - الشبكة العامة لقبائل الحويطات

08-04-10, 09:49 PM

النفس تامرني وتتبع هواها ...... والله يامرني بأمره وينهــــا
أحيان أطاوعها وادوّر رضاها ......واحيان اخالفها واجوّد رسنها
نفس الفتى لابد تلقى جزاها......وان طاعها لابد يدفع ثمنهــــا
وان طاعها في خير ولا نهاها......يامن فشيلتها ويرتاح منهـــا
ومن دوّر الفتنه بدربه لقاها......وان ماشرد عنها قلط في صحنها
تدرج علي عينه ويدرج وراها......يطرب لحاديها وجرّة لحنهــــا
وان شبت النيران ناشه لظاها.......واليا سلم منها ينوشه دخنها
والناس عميا عن مشاهد خطاها......لو كان غطّاها الملام ودفنها
والادمي نفسه كثير ٍ بلاها......مير انشغل بمتابع الناس عنها
ينقد على غيره ونفسه نساها......قوم ٍ يعذربها وقوم ٍ طعنها
والكلمه الي مايسرك صداها......حاول تجنّبها وكلمتك صنهـــــا
وان كان ماعندك بدلها بلاها......والعاقل الي قبل تطلع وزنها
ومن يزرع الحسْنات يحصد جناها......لاحطها في جال ربه ضمنهـــا
لابد مايلقى بيوم ٍ وفاها......لادارت الدنيا وقفّى ضعنهـــــــا
ولاهي غريبه يوم تعطي قفاها......هذي عوايدها وهذي سننهـــــا
والرابح الي باعها ماشتراها......قاضب على دينه وجنب فتنهــا
واليوم زادت من فتنها واذها......والعولمه كل ٍ رضع من لبنهـا
دنيا جديده غيّرتنا معاها......تغريب للأمه وهي في وطنهــــــا
عبر الفضا بدشوش غطت سماها......تمطر على العالم وهي في سكنها
تمطر وصاختها وقلة حياها......وصبت على روس الخلايق عفنهــــا
تبدّلت معها الرجال ونساها......ضاعت مباديها وقفّى زمنهـــــا
أمّه ضعيفه مايذرّي ذراها......من عقب كانت ملجأ الي زبنهــــا
والناس ماتقطع من الله رجاها.......لو كان غيّرها الزمان وفتنهـا
لابد ماتدرك وتعرف دواها.......اليا امسكت في دينها واحتضنهـا
واليا امسكت ماهمها في عداها.......من سبها ولا بعد من لعنهـا

فهد المشهوري الحويطي

فهد الحويطي · 09-04-10, 08:35 PM

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
والناس ماتقطع مـن الله رجاهـا=لو كان غيّرهـا الزمـان وفتنهـا[/poem]
صح لسانك اخوي

فهد

على هذهِ الرائعة والتي من خلالها استطعت بأن تلامس الواقع

بارك الله فيك وكثر من امثالك ولك تحياتي

فهد الحويطي · 09-04-10, 11:08 PM

اقتباس:

صح لسانك اخوي

فهد

على هذهِ الرائعة والتي من خلالها استطعت بأن تلامس الواقع

بارك الله فيك وكثر من امثالك ولك تحياتي

أخي الكريم رحال

صح بدنك من كل مكروه ولك الشكر الجزيل على تشريفك 00

فهد الحويطي · 10-04-10, 01:12 AM

صح لسانك بافهد

نص اجزم انه من اجمل النصوص الاجتماعيه
مبدع دائما يافهد
ورائد من رواد الجزاله
لك تقديري

فهد الحويطي · 10-04-10, 03:13 PM

شاعرنا القدير

فهد المشهوري

صح لسانك على هذا النزف الأبداعي

سجل اعجابي هنا

ونحنُ بنتظار جديدك

تحياتي

فهد الحويطي · 25-05-10, 08:47 PM

اقتباس:

صح لسانك بافهد

نص اجزم انه من اجمل النصوص الاجتماعيه
مبدع دائما يافهد
ورائد من رواد الجزاله
لك تقديري

صح بدنك من كل مكروه اخي الكريم عايد وشهادة مثلك اعتز بها كثيرا 00

شكرا من الأعماق 00

فهد الحويطي · 25-05-10, 10:25 PM

[align=center]صح لسانك فهد المشهوري

قصيده رائعه من راس وافي

خالط الواقع كثيراً من أبيات هذه الرائعه

تقبل ودي[/align]

فهد الحويطي · 25-05-10, 11:28 PM

بصراحة أنا من أكثر المتابعين لإبداعاتك،

تحفة أدبية بأسلوب مشوق لها قوة في فرض نفسها على المتلقي,

وجزالة مستواها تحرك كوامن القلوب,

أبو عبدالعزيز دائماً نقلنا من فن الى فن ومن روض إلى زهر ومن غدر إلى غدير،

قصيدةفياضة جياشة عامرة بالشعور والفن والإبداع،

هنا أقف تقديراً واحتراماٍ لجمال قصائدك يا أبو عبدالعزيز،

والله لو حاولت أعبر عن إعجابي بهذة القصيدة لجف حبر القلم ,

لــك ودي /بعيد الهقاوي