أكبر مجرم في المنتدى!!

شكرا للأخ ,, وليد , وللأخت ,, كلك نظر ,, والأخت ,, الدرة , على هذا المديح . وبالنسبة لموقف الكاس
للمعلمة , أقول لكم تراني ماأحتاج محامي , لأن المعلمة هي اللي كانت مجرمة , والله كانت تفتري فينا وماتقصر
في وقت ماكنا نقدر فيه نشتكي , ماهو مثل طلاب اليوم , وكانت هي الفرصة الوحيدة أمامي , بس ما أدري كيف جاتني الفكرة,
والله كان نفسي تدري عشان تكمل فرحتي, كان حذفتني من الدنيا ,, وبالنسبة لباقي المقالب ( وليس الإجرام ),, أقول لكم : ترى
فيه شي ماشفتوه,, ولو تدرون إن رفيقتي في عمل هذه المقالب هي ,, صديقة عمري اللي كتبت لها قصيدة ( إلى رفيقة عمري )في منتدى الخواطر
الأدبية ..!!!بس تراها يوم كنت في أول متوسط ,, يعني لسه طفلة ,, والحين كبرت وصرت عاقلة ورقيقة وطيبة ,, لكن من وقت لآخر
أشتاق لعمل المقالب ( مقالب خفيفة للمرح ) .
وفعلا أختي الغالية أم الفهد ماأثر الخوف عليها , الله يخلي لها فهودي اللي قاعد يعيد ماضينا مع غيداء ,, وتراني معها
في إن أكبر مجرم في المنتدى هو الدرّة ,, لأن عندها كثيييييير ما سمعتوه........!!!!!
لا أحد يزعل ياحلويييييين ,, لأن هذه ذكريات الطفولة جميلة مهما كانت ,, والطفولة براءة وتصرفات عفوية لا تعرف
معنى الإجرام ..,, ومرةأخرى شكرا لأم اليزيد الغالية اللي رجعتنا للماضي الجميل وخلتنا نفتح دفاتر الشقاوة ونضحك من جديد .