جار حويط الثاني عشر

سلام علكيم
كيفكم كل بسمه
انا علمني حويط الثاني عشر للنت ولاانا مالي ومال الشقا وكل ليله سهاري انا وياه وحلالنا ننام عنه وبعد ماماتن العجز
قال يارجل تراه ينسيك رحمة نزيله مثل مانسيت مزنه وهو اللي جابنيه لكو قال صربتنا مجتمعين على النت
واحنا ذابحنا الخلا انا وياه وقلت اتلهى معكم وقت مايصح لي .
وتراه يسلم عليكو كثير السلام

حي الله هواوي القشابرية
و دامك جار حويط الثاني عشر شخصيا فعليك السلام
ما احد يجاوره الا تموت عجوزه
الله يرحم نزيلة الي لحقت مزنة
مير ابشروا بالعوض انت و حويط
ما كثر الله عندنا بهالشبكة غير العجز و العزبات
لكن حسن اخلاقك معهن و لا تخرب الامور مثل جارك حويط

عليكم السلام
ياهلا بأهل القشابريه وماجاورها مافيه حفلات ولافروح قريب
عزالله مواتيين لبعضكم انت وحويط هههه
عيش يومك ولاتراعي حويط تراه باقي متحجر هههه

هلا فيك هوواوي وحياك في دارك

اهم شي اجتمعت مع صربتك ههههههههه

واتلم المتعووووس على خايب الرقاءءء ..
يمال العافيه ورى ماتدورون لكم شغله غير النت .. يابابا انت واياه هذا مايصلح للشيبان اللي زيكم لأنه يخلي خاتمتهم مهي زينه .. !!
مير دوّر غنمك لاياكلهن الذيب وانت فاتح افمك على النت هههههههه .. !!

حياالله الضيف وجاره

بس انتبهو لايلهوكو وتغدي الغنم ولا حويط مغسلين منه الصربه اللي انت ضيف عندهم واسأل ابو عبدالله ههههه

ولك صدر المكان

ما كثر الله عندنا بهالشبكة غير العجز و العزبات
لكن حسن اخلاقك معهن و لا تخرب الامور مثل جارك حويط

اسمع كلام حويط , وبكذا حياك الله.

حياك وأبقاك ..

هلا هلا حياك الله واسفرت وانورت

وكما قال لك اخونا الاتي الاخير :::: حسن اخلاقك معهن و لا تخرب الامور مثل جارك حويط


وتحياتي لك ولحويط

حياك الله هواوي وياهلالآ فيك بشكبة العز والشموخ ..

اهـــــــــــــــــــــــــــــــــــــــــــــــــــــــــــــــــــــــلا
وحــــــــــــــــــــــــــياك الله اقلط!!

الله يحييكم كلكم

وتسلم يابن شامان وقهوه دايمه يالطيب

وحويط معوعي ماعليكم منه هو يطري جيزه من برى بس الازمات خربت عليه

ولا انا ماني مبعد كان لقيت اللي ترضى