من بادي الوقت وهذا طبع الايامي.

السلام عليكم ورحمة الله وبركاته.
من القصائد التي راقت لي قصيدة الشاعر خالد الفيصل وهانا اضعها بين ايديكم مع رد الشاعر ابن مكتوم عليها


( قصيدة للشاعر الامير خالد الفيصل ) ورد ابن مكتوم



( قصيدة الشاعر الامير خالد الفيصل )


من بادي الوقت وهذا طبع الايامي = عذبات الأيام ما تمدي لياليها
حلو الليالي توارى مثل الأحلامي = مخطور عني عجاج الوقت يخفيها
أسري مع الهاجس اللي ما بعد نامي = وأصور الماضي لنفسي واسليها
أخالف العمر وأراجع سالف أعوامي = وأنوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفى لك زمانك عل يا ظامي = اشرب قبل لا يحوس الطين صافيها
الوقت لو زان لك يا صاح ما دامي = يا سرع ما تعترض دربك بلاويها
حتى وليفك ولو هيّم بك اهيامي = سيور الأيام تجنح به عواديها


( وهذا رد الشاعر الشيخ محمد بن راشد المكتوم )

يا مرحبا يا معنى خط الاقلام = مثائل شوقتني في معانيها
حي المثائل يا سلالة نسل الكرام = يا من بيوته عن الزلات يحميها
من داثر الوقت وهذا طبع الايامي = مرات تصفى ومرات الكدر فيها
كم واردا ضاميا صد درب الاحيامي = وكم واردا شرب من صافي مغانيها
لا تنظر اللي مضى وتعد الايامي = ارعى ربيع الزمان أول لياليها
حلو الليالي تعوض مر الايامي = ما يحسب الوقت ويفكر في ماضيها
لو كان ما بي كتبته جفت أقلامي = من حرتي أبدع أمثالي واغنيها
ردار فكري يصورلي مضن زامي = في هندس الليل يوم أرتاح غافيها
يوم الخلايا تنام وفكرها نامي = حرام عيني لذيذ النوم يغفيها
حالي كما عشب صيف صابها الضامي = ولا كما وردة جفت نواديها
نار الغضى والتوقد في بحر طامي = خالد وعيا مولعها يطفيها
ريم رعى في الفياض وزهر الاوسامي = قائد خشوف الجوازي في مفاليها
بأرض محيله ولو توطى لها أقدامي = تزهى وتضحك لها الدنيا وتحييها
سود الليالي مع صلفات الايامي = نأخذ مقادمها ونترك تواليها
نمشي على درب ما تأطأها الاقدامي = وإن وعرت الارض يعجبني المشي فيها
يا خوي انا ريت رويان وهو ضامي = يا كيف عطشان في جاري سواقيها
ريح ضميرك ولو هيم بك هيامي = حقا على اللي جرح نفسك يداويها
يا مفطر الوقت هذا شهر الصيامي = وليلة القدر في أخر لياليها
يا زين هد الوحش بعض الايامي = في ديرة قفرة عسره مضاويها
أشقر طويل المعنق يبري أعظامي = صوايده من فنادي الصيد يدميها
يا شيخ هذا زمان كله أنعامي = الذئب جائع وشبعانه حصانيها
لو كان يبغى يغزر نابها الدامي = يا كيف تكسر جوارحها طواريها
وكل مخلوق في هالدنيا فلا دامي = لابد تنهي مغازلها مطاويها
وأخر كلامي بحرف السين واللامي = والميم والعين تتلاها قوافيها

..}
الله يعطيكِ الــع ــافيه ..
وسلمت يداكِـ على الطــرح القيـــم
لنا شــــوق لجـــديد روائعكِـ

حدائق الغاردينيالـ روحكْـِ

تقبلــي مروري:
أميــــرَة الـعُ ـشــآق

روعه بكل المقاييس
كل التحايا لك اخت النشاما
اتحفتينا

الا صفى لك زمانك عل يا ظامي = اشرب قبل لا يحوس الطين صافيها

نقل موفق شاعرتنا المتميزة شمس الاصيل .

أسري مع الهاجس اللي ما بعد نامي = وأصور الماضي لنفسي واسليها
أخالف العمر وأراجع سالف أعوامي = وأنوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفى لك زمانك عل يا ظامي = اشرب قبل لا يحوس الطين صافيها
&
يا شيخ هذا زمان كله أنعامي = الذئب جائع وشبعانه حصانيها
لو كان يبغى يغزر نابها الدامي = يا كيف تكسر جوارحها طواريها
ابدع:الشاعرالاميرخالد الفيصل
ورد جميل من:الشاعر الشيخ محمد بن راشد المكتوم
أخـت الـنـشـامى.
ابدعـتي ف الانتقـاء.
آحـتـرامـي لـذئـتـقـكـ...

نمشي على درب ما تأطأها الاقدامي = وإن وعرت الارض يعجبني المشي فيها
يا خوي انا ريت رويان وهو ضامي = يا كيف عطشان في جاري سواقيها
ريح ضميرك ولو هيم بك هيامي = حقا على اللي جرح نفسك يداويها
يا مفطر الوقت هذا شهر الصيامي = وليلة القدر في أخر لياليها
يا زين هد الوحش بعض الايامي = في ديرة قفرة عسره مضاويها
أشقر طويل المعنق يبري أعظامي = صوايده من فنادي الصيد يدميها

يعطيك العافية أخت النشامى

يا شيخ هذا زمان كله أنعامي = الذئب جائع وشبعانه حصانيها

صح لسان الشاعر
وشكرا لك أخت النشامى