يجي الموت من وين ؟

العشق دربٍ وعر يبدأ من العين
يحدر معاليقٍ / وتصعد به ارواح

طرقيته زحمة شعور المحبين
ومسرى تناهيتٍ / توكّا على ارماح

جرّة خطاويهم .. بذاتي لـ هلحين
رغم ان عيني وبل .. وانفاسي ارياح!

ياما مساييره لها اسنين واسنين
في داخلي مرّوا بكورن ومرواح

في فهرسي .. من تسعة الى ثلاثين
أكتب وهم عمري / واقلد به اشباح

سكبت من سكّر حديثي دواوين
واظفى على اهداب السهر جمر واملاح

أجاوز اسوار الهوس للمجانين
وأحوم بأعلى سقفهم لين ماطاح

(مانشيت ) دمي كيف اثيره عناوين
واقراه فـ عيون الجماهير مصباح

قَدْ ينكر المخلوق .. اساسه من الطين
حتى يرى قبرٍ .. مسافاته اشحاح!

وقَدْ تحمل الفتوى خروجا عن الدين
وقَدْ تخرجك كلمة .. محمل على الواح

والكره قَدْ يرميك بين المساجين
لكن .. بعض الحب قبّاض الأرواح!

ليت التراب اللي .. تربى به اثنين
يحوي رفات اجسادهم .. قبل تنزاح

حاولت أخفي شيٍّ اثقل من الدين
لكن على ماقالوا : (الشوق فضّاح)

ياسيدي : شفهم يـ مال المعنين
ولاَ تَعَبْ درب المسافر / ولا ارتاح

شفني / وتنصب خيمة الوجد تأبين!
لون الحداد اللي هدم قصر الأفراح!

يجتاحني الحرمان والشوق والبين
واهجر مكاني واتجه لك .. وتجتاح!

أموت بس اعرف يجي الموت من وين ؟
والبعد قاطع طرق.. والقرب سفاح!

حسات.. مقسى حر هذا السكاكين
أححات.. وش ذا البرد بكفوف ذباح؟!

تنتابني رهبة لمالك من الزين
يامصحي المجنون/ يامجنن اصحاح!

عيّت توديني عليك العناوين
أرضك متاهة / والسما ودها اجناح

تذكر .. وحنّا في ضفاف البساتين؟
قلبين تزرع صدق / والحب فلاح؟

رضيت عنك الشوك / وآصير انا التين
وآمد ظلي لين/ ماصرت تفاح!

واليوم ياغصن العصافير واللين
الطل باوراقك / وانا مجدب الراح

أظما / اجف / آظمّـر / ايبس / ...وبعدين
لاهل هملولٍ .. ولابارقٍ لاح!

ياسين .. ياقلبي من الوقت ياسين
ثقل الوفا / حطك توكا على ارماح

لـ الرائع :
احمد علي الويمني

عاشق الادب
تسلم الايادى
على الطرح الجميل
للموضوع

صح لسان الشاعر
احمد علي الويمني
راقت لي
ويعطيك الف عافيه عاشق الادب

قصيدة اكثر من رائعه
صح لسان كاتبها
وسلمت يدك يا عاشق الأدب ولاهنت .

[align=justify]
حاولت أخفي شيٍّ اثقل من الدين
لكن على ماقالوا : (الشوق فضّاح)

كلمات جميله جدا

شكراا جزيلا عاشق الادب[/align]

يسلمووووو ،،،،،،،،،،،عاشق الادب

الأخوان
عربي وعائض والنايف وحسن
والأخت امي نظر عيني
الف شكر لكم على المرور العطر

[align=justify]
كلمات من الوزن الثقيل ...
ذوووق يا ابو بندر ..
على القوة ..








الذيب
[/align]

حاولت أخفي شيٍّ اثقل من الدين
لكن على ماقالوا : (الشوق فضّاح)...

اختيار جميل .... شكراً أخي عاشق الأدب ...

شكرا لمرورك اختى زهرة