يا صاحبي يالله معي نرقى على الرجم الطويل ....ونلامس احروف القصيد اللي جميل احساسها
مادمت شاعر وافي ن ضاري على صيد الجزيل ...يا ما حلا شوف الرجال اللي قوي ن باسها
ليا اعتليت السبق اللي ضاريه قطع السبيل ...وش لك مع شوف النفوس اللي ردين ساسها
ان ما تفوق الواقعك تصبح على الدرب الهزيل ....واللي يطالع بالعقل يعرف جميع اقياسها
وبهالزمن يا صاحبي عادي يصير الراس ذيل ...لاصارت اعلوم المراجل واضح ن افلاسها
وللي طرق درب الجفا معلن عن العالم رحيل.....ما يشمله لوم الديار الباهته في ناسها
وللي رسم له حلم دنيا لو وصوله مستحيل ...افضل من اللي قاربه غارق بغبة ياسها
وللي يتمتم بالحكي ما حصل العلم الجميل ...ما عانق اسطور الرجال اللي وفا قرطاسها
لا يعجبك شوف النظر وتطيح بالعقل الهبيل ...الله يا دنيا العجب مكثر دروب اتعاسها
يا صاحبي من ضيقتي سجيت ادور لي خليل ...وانت الخليل اللي كسر خشم الليال وداسها
والشاهد الله لك غلا يا صاحبي ماله مثيل ....متوسد ن بين الضلوع اللي غلا مجلاسها
يا صاحبي يالله معي نرقى على الرجم الطويل.....انسامر انجوم الليال ونحتضن نسناسها
الشاعر احمد الخالدي ........
جتني قصيده بالجزاااله كالسنااااابل مــن تميل
لا ذعذع الغربي تـــدلــــت من طناخة راسها
جتني وفيها من رزين الهرج عالطرق الطّويل
فيها مـــــــن الواقع مواجع والمدامع سااااسهاا
واللي كتبها شــاعـــر ن ظاري و لا مثله مثيل
يرقا قمم وامجااد مبطي والــــردي ما جاسها
جتني وفيها هــيــبــة الفرسان والشيخ الجليل
واللي جهل يضرب بها اخماااساها باسداسها
وما دمت شاعر أبدع المعنى من النّوع القليل
ما لي بزود الكمّ لــــــو هــــو تزعج بأجراسها
شاعر شمالي لــو جهلت ا بكثر ا بحور الخليل
ظاري على وزن القصايد دامني مقباااااااااااسها
يا صاحبي والطيب ما جادت به ا كفوف البخيل
ولا السما يــــا صاااااااحبي بنجومها نبرااااسها
ولا المراجل باقيه يا صاااااااااحبي واخذ الدليل
شرواك يبطي للخشوم ان فرعنت دوااااااااسها
واللي تهرج بالقفا يـــــــــــا صاحبي يفنى ذليل
ولا الجفا حالات يـــــا مــــا قـــد شربنا كاسها
وما داام نفنى بنصحك نبقى مثل عــابـر سبيل
يا صاحبي دنــيــاك مبطي والألم كــراســهــا
وجتني قصيده شاامخه كالنايفااات ا من النخيل
عذرا وتمسوا في حلاها مع جميل ا لبااااساهاا
رديه مع الشاعر احمد الخالدي ..
العرض العادي
