الالفيه

الالف ...الفت القصايد على الف *** وفكار في راسي مسوي لها حلف***
ماني على خط المعاني بعد كلف *** شاعر ورقص صافيات المعاني

والباء ...بادلني بسلهام الاهداب ***خلاني اقفي وعتلي كل مرقاب***
جيته وانا مشتاق ساري على الباب ***بس الزمن عن لمس يده حداني

والتاء ...تل القلب وشقاه بالصوت ***والجمر في قلبي غدا اليوم مكبوت***
والله كني ماشي بسكة الموت ***الله واكبر يا ظروف الزماني

والثاء.... ثلثيني من الهم منعوث *** اصبح ومسي تالي الليل مغثوث***
والحزن صار بكل الاوضاع مبثوث ***حتى تلاشى في ملامح مكاني

والجيم...جار الوقت والنور ما لاج ***وانا لها ضايق من الوقت محتاج***
مسجون ادور عن غثا الوقت مخراج ***ما شوف حتى من بعدها اماني

والحاء ...حاديها على صوت مبحوح ***واحس انا بالصدر تتنازع الروح
وانا اسهج الاقدام واسج واروح *** حتى ابتعد عن ذكرها في لساني


الخاء ...خلوني على جرة الاخ ***ما بين متفرج وهارج وصلاخ ***يا وجد منهو لا ذكر رمشها داخ *** تلوفه الايام قاصي وداني

والدال ... دمرني وانا سرت مهدود ***وللا امل من دنيتي صار مفقود***
داله وحبل الوصل بالحيل معقود ***ما عاد لي بين الاماني اماني

والذال ...ذبت وجفن عيني فلا لاذ ***وانا احسب ان قلبي عن الصد منلاذ***
عن مجمع العربان في خطوتي شاذ ***ما ودي اجلس من عذابي واعاني

والراء... رحت اكتب من الضيق الاشعار *** وعزف حزن قلبي على عذب الاوتار ***
والليل يدعيني على بوح الاسرار ***وانا افضفض قصتي لا دعاني

والزين... زارتني تعابير ورموز ***منقوشتن في رمح بالصدر مغروز ***
وصبحت ما بين الهواجيس محجوز ***واقلب اللي بالخفوق احتواني

والسين... سالت دمعتي شوق واحساس***قامت تشمت في سواليفي الناس***
ما حد لفاني قال لا باس لا باس ***الكل منهم في كلامه هجاني

والشين ...شاش الراس من عمها شاش ***اللي ضحك في وجه بايق وغشاش***
وقفيت اسج الرجل ضايع ومنحاش ***
وليت يا وقت الردى والهواني

والصاء ...صبري ضاع والهم مرصوص *** واحس كني في بلا الوقت مخصوص***
مليت في بحر الشقا دايم اغوص ***
كني غريق وما حضنت المواني

والضاء... ضميته ليا برقها ناض ***وافكار تلعب بي على كل معراض***
مغتاض من وقت ن بها الكذب مغتاض ***عن سكت الغالين مال وعماني

والطاء ...طاويها وانا اقول مبسوط ***اسمه على صفحات الايام مخطوط***
له منزله في عالي القلب محطوط ***محروس كنه بين عوج المحاني

والضاد ...ظني خاب مع ميلة الحظ ***يا نوح قلبن دوم بسمه تلفظ***
وش ما سليت ارجع من الضيق واجظ *** يادنيتي ما غير همي لفاني

والعين ...عيني دمعها فايع ن فوع ***ذكراه لا جتني تلوع الحشا لوع***
متمركين طول اليالي على الكوع ***ولي يادنيا ما عليكي ضماني

والغين ...غربلني معا كل ممراغ ***حزن الليال اللي غدا كنه ادباغ***
اللي على بيض الورق جاك منضاغ ***من دمع عينن ضامها وقت داني

والفاء... فاض الشعر جزل التواصيف ***ويقنت بان الوقت ماهو على الكيف***
مليت اسلي خاطري بالسواليف ***وانا الجريح اللي زماني كواني

والقاف ... قلبي يحترق داخلي شوق ***مزنوق واشكي من بلا الوقت مزنوق***
والضلع الايسر يوم غنيت مفهوق ***ودي اشيل القلب وللي طواني

والكاف ...كلي منتثر داخل البوك ***ودروب اللي جيتها كلها شوك ***
كنها بصدري حرب مؤته ويرموك ***متوجدن والوقت مره سقاني

واللام ...ليل الهم في لوعتي طال ***وتقفلة وياي في كل الاحوال***
والكون كنه طابق الجال بالجال *** ما غير اغني من حزين الاغاني

والميم ..ماني قاوي مفارق الريم ***اللي لها قدمت انا العمر تقديم***
للعهد باقي لو تقوم المراسيم ***لو كلهم زفو عليها التهاني

والهاء ...هذا وقت ما تامن اخطاه ***لوراح مهما راح والله ما انساه***
لبقى على طول الليال اتحراه *** فوق الرجوم اللي هواها ضناني

والنون ...ناديته وانا صدق مطعون ***والناس قالو عني اليوم مجنون ***ما تدري اللي داخل القلب مكنون *** وحيد في صدري ولا فيه ثاني

والواو ...ودي لو بالاحساس حسو ***والنبض يوم اقفت عن العين جسو***
ياليتهم مثلي على الهم مسو ***ما زاولت عن نون عيني ثواني

والياء ...يالله تغفر اذنوب دنياي ***وتيسر لدرب الهدى دايم اخطاي
يالواحد اللي عالم اليوم شكواي ***يالواحد المعبود يالمستعاني

عبدالله الخضيرات
يسلمووووووو

الله عليك يا الغالي
ما اجمل ما خطتة يداك


كل الود والاحترام لك


الشهاب