في مدح الحويطات عموم

واليكم القصيدة بشكل أوضح

انا ابوتايه وافتخر بالحويطــــــــات تكرم شواربهم وتكرم لــــحااهم
اهل الشجاعه والفعول القديمـات من ماضي التاريخ بااقي ثنااهم
يشهد لهم تاريخهم والـــبطولات لطامت العايل بعيد مـــــغزااهم
وقت مضى فوق المهار الاصيلات صدقانهم تشهد وتشهد اعداهم
بالمملكه لفعالهم عندي اثبـــات قبل وجود الترك يامــــــن بغاهم
ياجاهل التاريخ اقرا الســـــجلات تلقى افعول اللي يغـيظك نباهم
ماهي خرافه ناشره بالمـــجلات ولا دعاية نت تنشـــــــــر وراهم
هذي حقايـــــق قلتها الان بذات وانا بها مرفـــــوع راسي معاهم
يردوا حياض الموت طابور زافــات ولا حدن يدوس اطرافهم لو غزاهم
ابعاد المدالي مايذلون هـيـهات وشي يسمى الموت هذا امناهم
كم شيخ قوم لهم لجى بالزمانات مطرود من داره وصـــــــار بذراهم
ردوا بلاده بالسيــــوف الرهيفات مرفوع راســـــه ساعة انه نصاهم
فرسان من فرسان يوم المثارات واسعد عين اللي يذل ونخـــــاهم
هذا ولهم ياجاهل حويط عادات بالمعركه شجعان صعب لقاهم
يوم الحرايب بين صوله وجولات ماتقرب الفرسان ساحت احمااهم
واذكر لهم بالطيب رمز ودلالات للضيف والمحتاج عجل(ن) اقراهم
هذا وبعد لحويط في مصر وقفات تشهد لهم سينا ويشهد وفاهم
ونعم(ن) بكل شيوخهم والجماعات بمصر العــــروبه كلها ويحماهم
ودار ابو متعب به قبايل عريقات اهل الصخى والجود جزلن عطاهم
حويطات يصعب حصرهم بالبيانات نعم الرجال اللي كثيرن صخاهم
من ادنا وطرف فرسان ماهي دعايات جعل الاعادي كلها من فداهم
في مدحهم ماقلت قولي بروفات حمايت التالي وريف اقصراهم
عدوهم عينه سهيره ولا بات ودخيلهم محشوم كنه حداهم
عاداتهم صد الجموع المغيرات لوهي تفوق اعدادهم ما ثناهم
عن اللي يبونه كلهم بالمساوات لي الفخر فيهم ولا الحق جزاهم
مدحي لهم ظمن القوافي والابيات موجز بسيط من الوفا ما كفاهم
ماهو اقصورن بالقبايل ونظخات كلن بربعه يفتخر ماشنــــــاهم

شاعر ندا تومان ابوتايه