أبيات لها ذكريات .

بهدي لها كل المشاعر والأحســاس ..
ونبض الخفوق اللي حشى مانساها ..
..
قلبٍ يحب وبالأمل حـــارب اليـــــاس ..
يرفض يصـــدق واقــعه من غــــلاها ..
..
يبني أمل وأحلام لو مالــــها ســاس ..
يكذب على نفسه ويتبــع هواهــــــا ..
..
يامن سقاني بالهوى صافـــي الكاس ..
أسقيتنـــي علــــه وعنـــدك دواهــا ..
...................................................
...................................................
منهو سكن قلبي ولاعدت أنا أسلاه ..
روحي معه وشلون عنه آتســـــــلا ..
..
لاغاب عني يرحل القلب ويــــــــــاه ..
ولوهو تخلــــى ماقويت آتخــــــــــلا ..
..
وياطير ياللـــي كــل رجمٍ تعـــــــلاه ..
ويحوم في عـــالي السما مأستضلا ..
..
قله يروف بقلبي اللـــــــي تــــــولاه ..
يرحم وليف من هواه أســـــــــــتذلا ..
........................................

ياحبيبي ليـــــه هالصـــــده ترى طولتــــها ..

وأنت تدري ماسواك اللي وسط قلبي وحيد ..
..
من ورى قلبي حبيبي كلــــمةٍ لك قلتهــــا ..
وليـــتها ياليتـــها تشفع لـــي أبيات القصيد ..
..
مابقى لــــي حيـــــلةٍ ياصاحبي ماأحتـلتها ..
لأجل ترضى ياحبيبي وأنت قلبك من حديـد ..

...................................................

تبين الحق لوقلبي يطيع الشور ماحبـــك ..

ولاتاه وخذاه الشوق وأنتي حلمه الضايع ..
..
لعب فيه الهوى اللي ماهقيت أنه تلاعبك ..
يحبك ليه أنا ماادري ولاهو لعشرتك بايـع ..
..
دعاه الشوق في عيونك وهو هّلا ورحبك ..
تولع قلبي المبلي ولاعه في الهوى لايع ..

................................................

ماعتب قلبـــي على دنياي يالغالــي .

عادة الدنيــــا تلوعنــــي وتشقينــي .
..
أنتهى حلمي معاك وماتت آمــــالي .
وأبتدا ليل العـــذاب اللــــي معنيني .
..
مانسيتك يوم في حلــــي وترحالــي .
لاكن الشكوى علـــى الله ماذكرتيني .
..
مربي عامـــين وأنته شاغـلٍ بالـــــي .
أشتكي لليل بعدك وأنت ناســــينــي .
..
الطريق اللــــي مشيتــــــه ماتهيــــــالي .
رحت في درب الفراق وغبت عن عيني

.............................................

لوعــة رحيلك بالحشى صوبتني

أخذت لي مده وأنا منّك مجـروح ..
.
الشاهـــــــد الله غيبتــك لوعتنـــي ..
ياللي غيابك علة القلب والــروح ..
.
الجمـره اللي من غيابك كوتنـي ..
مابين عوجان الحنايا لها ضــــوح ..
.
أيوالله أن كاس المحبه روتنــــي ..
وأن الغلا بالقلب شيد له صـروح ..
.
أن جيت أبارحـل يم دربك لوتنـي ..
ثم عاد قلبي في محبّتك مطروح

.........................................

يعلم الله وش بقلبي من شعور ..

أنت عندي غير وأبصم بالعـشر
.
أن ماللناس فغيابك حـــــــضـور
في غيابك ماتقل باقي بشــــر
.
أبتعادك يوم عندي في شهـــور
والشهر كنه من سنيني عشـر
.
لك رساله داخلي عدة سطــور
بأختصرها لأجل عينك في سطر
.
الهوى غــــلاب والقـــلب معذور
يوم حبك ياعيونه والنضـــــــــر

....................................................

أحـــترت فيك وفي رضــــاك وعـــنادك ..

مادري وش اللي ياأريش العين يرضيك ..
..
وش غايتك ياصاحـــبي وش مــــرادك ..
مادمت أنا من بــــدة الخـــلق مغليك ..

...................................

ياشينها لاصـــار في قلبك أنسان ..

غالـــي وشايله محبـــه وتقـــدير ..
..
مره تضنه عاشـــــقٍ لك وولـــهان ..
ومرات يبعد مثل مايبـــعد الطيــــر ..
..
لاهو مبين لك حقيـــقة أذا كـــــان ..
له في الهوى صاحب وله نيةٍ غيــر ..
..
ولاهو مبين لك مشاعر على شان ..
تبدي له أحساس الغلا ونيـة الخير ..
..
أنته تغني له بعذبـــــــــات الألحان ..
وهو مــعك مابين وصـــــــلٍ وتقصير ..

..............................

قلت لك لاتسأليني وش مضى من العمر ويش اللي بقى ..

أن تذكرت السنين اللي مضتلي بحسرتي والله لأمـــوت ...

..............

مع تحيات الشاعر ..

حسين ابوتايه