أقصى حدود الإثاره

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الحب لانسنس هواه وعبيره=يقدح وسط قلب المعنّى شراره
راعي الهوى نسمة هوى تستثيره=ياصل بها لقصى حدود الإثاره
وانا تحت برد الغرام وهجيره=جربت لذاته وجربت ناره
ياميرة ٍ لوكان مانتي أميره=ماهي فقط (جينات) فيك الأماره
لو جيت اعدّد فيك اشيا كثيره=ويغنيك عن كثر الكلام اختصاره
كبيرة ٍ لوكان مانتي كبيره=متجاوزه كل البنات بجداره
كبير عقلك وبصراحه جديره=انك تديري لو بغيتي وزاره
ومن شاف شغلك يامعالي الوزيره=لابد يشهد لك بحسن الإداره
وانا معك عامين وانتي مديره=ومنّك عرفت ان الإداره مهاره
ومن كثر مانتي بالتعامل خبيره ؟=أيقنت في إن التعامل شطاره
وان كانها بالزين ؟ فانتي سفيره=لوكان حطوا في بلدنا سفاره
أجمل بنات الأرض من كل ديره=لولوّة ٍ صكّت عليها المحاره
متشبعه بالزين وانتي صغيره=لين استويتي وامتلئتي نضاره
فتنتك ماهي مثل فتنة (شكيره)=اشيا رخيصه في قوالب حضاره
انتي كذا ( إغراء) وانتي ستيره=إغراء وانتي كل ابوكي طهاره
في داخلك عمق البحور الغزيره=وزدتي مع الأيام عمق وغزاره
وانا عقب خضت بتجارب مريره=وعانيت من صمتك وذقت المراره
أصبحت عارف ماتكنّ السريره=في داخلك وافهم كلام الإشاره
زعلك يظهر في جملك القصيره=اليا اختلط معها شوية (نعاره)
ماكنها لقيا عشير بعشيره=وتقل حتى بالسلام الحراره
واليا رضيتي تصبحين المثيره=واصير عندك في مكان الصداره
ياروح من يكتم غلاك ونظيره=يامن على يدّك هناه ودماره
شاعر يحبك من قصاه وضميره=لو يكتب حروفه بغيرك خساره
لنّك شهيق القاف وانتي زفيره=وانتي بعد ليل القصيد ونهاره
ماشي على حبك بنفس الوتيره=ماهو على ماقيل تاره وتاره
ميّت على لاماك ويموت (غيره)=لو طال هرجك مع سميره وساره
وشلون طيّب لو تشوفين غيره=ويصد قلبك عن هواه ومساره
روفي على حاله تراها خطيره=تقضي عليه النار مثل السيجاره
لو كان دكتني علوم ٍ أخيره=وهرج ٍ سمعته منك باخر زياره
دكت (أسامه) والوجيه السفيره=بـ 11 سبتمبر لبرج التجاره
واقول يمكن بالمقاديرخيره=لو كان ماصليت فيك استخاره
ماشي معك من دون راي وبصيره=غصب ٍ على قلبي ودون اختياره
راعي الهوى صعب ٍ يقرر مصيره=انتي (فقط لاغير) بيدك قراره
[/poem]



فهد المشهوري الحويطي

كبير عقلـك وبصراحـه جديـره
انك تديـري لـو بغيتـي وزاره
ومن شاف شغلك يامعالي الوزيره
لابد يشهـد لـك بحسـن الإداره

الشاعر/فهد المشهوري

صح لسانك عدد بلا مدد

قصيده جميله وجزله وفي غاية الروعه
استمتعت بقرائتها
ماقول غير الله يعطيك العافيه
وننتضر جديدك,,,

{تحيتي وتقديري}

[align=center]

متشبعه بالزيـن وانتـي صغيـره

لين استويتي وامتلئتـي نضـاره

شاعر يا ولد عمي . .. وهالبيت طالع من قلب

صح لسانك مليون وفالك سميره

دمت بود

[/align]

الشاعر/فهد المشهوري

صح لسانك عدد بلا مدد

قصيده جميله وجزله وفي غاية الروعه
استمتعت بقرائتها
ماقول غير الله يعطيك العافيه
وننتضر جديدك,,,

{تحيتي وتقديري}

مرور امثالك من المبدعين على متصفحي اخي الكريم نايف مقبول يزيدني شرفا وهو بحد ذاته دافع لمحاولة تقديم الافضل

شكرا من الاعماق 00

قواك الله اخ فهـد ومكثور الخـير على هالأبيات المعبرة
تقبل تحياتي

شاعر يا ولد عمي . .. وهالبيت طالع من قلب
صح لسانك مليون وفالك سميره
دمت بود

اي بس لاتنكب ولد عمك

تقول فالك سميره ؟ انت ناوي تخرب بيتي ولا ايش ؟



شكرا على مرورك العذب 00

قواك الله اخ فهـد ومكثور الخـير على هالأبيات المعبرة
تقبل تحياتي

تشرف بمرورك اخي الفاضل حويطي واصل

شكرا لك من الاعماق 00

أخوي فهد /

الصمت في حرم الجمال جمال

دام النبض

أخوي فهد /

الصمت في حرم الجمال جمال

دام النبض

اختي الكريمه فانتاستك

شكرا لك على هذا المرور العاطر والشكر لايكفي

صح لسانك الشاعر فهد الحويطي
قصيده رائعه وطاروق يجذب القاري
شكرا لك

فهد الحويطى
تسلم الايادى

راعي الهوى نسمة هوى تستثيـره
ياصل بها لقصى حـدود الإثـاره
وانا تحت برد الغـرام وهجيـره
جربـت لذاتـه وجربـت نـاره
ياميـرة ٍ لوكـان مانتـي أميـره
ماهي فقط (جينات) فيك الأمـاره
لو جيت اعدّد فيك اشيـا كثيـره
ويغنيك عن كثر الكلام اختصـاره

شاعرنا الغالي فهد المشهوري كل بيت منها محتاج وقفه وتعليق وشرح مطوّل .
رائعه من روائع الشعر وانت رائع ومميز يافهد .
ولكن فعلاًانتبه من الدحمي لايشوش على الجوباالفعل كلامه يوحي لشي ومعك على الحرف,,
تقبل مرور اخوك .

صح لسانك الشاعر فهد الحويطي
قصيده رائعه وطاروق يجذب القاري
شكرا لك

الرائع هو مرور امثالك من الرائعين اخي عايض الحويطي

شكرا لك ..

فهد الحويطى
تسلم الايادى

وتسلم ياعربي وشكر لك

هنا ابداع بلا حدود
يستحق التميز و الاشادة

ابيات وقافية نابعة من شاعر مبدع
رائعة بحق وصور مميزة

يــاروح مــن يكـتـم غــلاك ونظـيـره يـامـن عـلـى يــدّك هـنــاه ودمـــاره
شاعر يحبـك مـن قصـاه وضميـره لـو يكتـب حروفـه بغـيـرك خـسـاره
لنّـك شهيـق القـاف وانـتـي زفـيـره وانتـي بعـد ليـل القصـيـد ونـهـاره
ماشـي علـى حبـك بنفـس الوتيـره مـاهـو عـلـى ماقـيـل تـــاره وتـــاره

صح لسانك ...

شاعرنا الغالي فهد المشهوري كل بيت منها محتاج وقفه وتعليق وشرح مطوّل .
رائعه من روائع الشعر وانت رائع ومميز يافهد .
ولكن فعلاًانتبه من الدحمي لايشوش على الجوباالفعل كلامه يوحي لشي ومعك على الحرف,,
تقبل مرور اخوك .

اخي الكريم الغالي محمد البياضي

مجرد مرورك اضافه للقصيده ..

من الأعماق شكرا لك والشكر لايكفي

هنا ابداع بلا حدود
يستحق التميز و الاشادة

اخي الكريم الفارس

المميز هو مرورك من هنا

شكرا لك