العبيكان

ياليتنـي ماجيـت ســوق العبيـكـان
لقـيـت فـيــه الـلــي بعـيـنـه رمـانــي
قـلـت الـسـلام وقــال تـايـه وغلـطـان
قلـت الغلـط فـي عـودك الخيزرانـي
وعيونك اللي رمشهـن غصـب فتـان
اسهومهن بالقلـب خلـف الحوانـي
قال أنت في راسك مواويـل وجنـان
ان كــان مافـارقـت لـزهــم اخـوانــي
وذليت من علـمٍ يجـي دون حسبـان
وأنـــا رجـــل لـيــه مـكــان وكـيـانــي
وقفيـت مـن سـوق العبيكـان زعـلان
عفـت التسـوق فـي هــذاك المكـانـي
ياليـتـنـي بـيــاع فـــي كــــل دكــــان
يمـكـن عـلـي يـمــر جـــال الثـمـانـي
عساه فينـا يـروف مدعـوج الاعيـان
الـلــي بـمـكـوا نـــار حـبــه كـوانــي
أصبحت له مسجون والزين سجان
يانـاس ويـش الـلـي بحـبـه بـلانـي
قـفــى وخـلانــي وحـيــدٍ لــلاحــزان
مجنـي عـلـي وراح بالقـلـب جـانـي
أجاحـد العبـرات فــي كــل الاحـيـان
مبغـى علـي أعـداي تـفـرح ثـوانـي
واقــول ياسـامـع كـلامـي والـلـحـان
يلـعـنـك يـاحــبٍ يـجـيـب الـهـوانـي
حـب السنيـن التاليـه ياهـل الـشـان
راعـيــه مـابـيـن الـخـطـر والامــانــي