هذه قصيده للشاعر الكبير سعيد عوده الحويطي القاها في محفل التكريم الذي
اقاموه العلوات من عوف من حرب للحويطات بالمدينه المنوره وهي احدى القصائد
التي القاها شعراء الحويطات.
[poem=font="Simplified Arabic*4*darkblue*normal*normal" bkcolor="transparent" bkimage="backgrounds/19.gif" border="none*4*gray" type=0 line=0 align=center use=ex num="0*black"]
سلام يابيتاً على العز مبناه=بيت الكرم والجود والشادليه
بيت الشيوخ اللي لهم في العرب جاه=شيوخ عوف اهل الوفا والحميه
وطويلع ابن زيد لاحل طرياه اسماً يشرف كل ربعه وحيه
شيخاً كريمٍ والكرم من مزاياه=يمناه في بذل المكارم رهيه
من لابةٍ عند اللقا والملاقاه=اهل الشجاعه والنفوس الابيه
والله لون المدح في حرب قلناه=يعجز لساني والقلم في يدينه
والطيب في كل الاجاويد تلقاه=وفي حرب تلقى له مكانه حضيه
شيخاً دعانا في دياره وجيناه =وحنا قبلنا من الكريم الدعيه
تحية الاسلام للشيخ مهداه=اطيب سلام مع جزيل التحيه
اقولها نيابه عن الشيخ واخواه=وشيوخنا واللى حضر في المعيه
الشيخ عون اللي من الطيب منشاه=من لابةٍ ماتهاب حوض المنيه
قومٍ لهم في المجد رايه معلاه=وزن الثريا والنجوم العليه
شيخاً كريم وتبذل الجود يمناه=وله وقفةٍ عند اللوازم قويه
ربعي حويطاتٍ قبايل مسماه=افخر بهم مابين كل البريه
والى انتخو بالسيف يوم المحاماه=ارداهم اللي مايخلي خويه
وباقي القبايل حقهم ماهضمناه=كلٍ عطاه الله فخر ومزيه
واليوم حنا بخير والحمدلله=ولى زمان الجهل والعنصريه
نعيش في عهد الرخا والمساواه=عهد السعود مطوعين العصيه
في ظل ابو متعب عسى الله يحماه=الحاكم العادل حميد السجيه
اللي حكم بالعدل والامن رساه=دستورنا القرآن وسنة نبيه
غيثاً على شعبه شديدٍ على اعداه=واللي حسدنا لعن ابو حي حيه
نبقى على عهده وبالروح نفداه=صرحٍ منيع وكلنا تحت فيه
وختامها خير الكلام اختصرناه=ماقل دل وزود هرجي عليه
من يسلم من عثرت لسانه وبلواه=الله غفور لكل ذنب وخطيه
وصلاة ربي عد مزناً نثر ماه=على النبي المختار سيد البريه[/poem]
الشاعر:سعيد عوده شداد الحويطي
قصيده ومناسبــــــــه
العرض العادي
