ياعــــوده ابن حــرب

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعوده ابن حرب ندري فعايلك=شيٍ يخلي الراس من عزته فوق
نبل وكرم واخلاق اشهر خصايلك=وعفو وتسامح مع مهابه ومنطوق
حتى مع العدوان مااحسن تعاملك=زيزوم مايردك عن الطايله عوق
فارس شجاع ولايوني امنازلك=لومايروق الخصم خليته يروق
كلٍ يهابك لاسمع في تجّولك=وتطيح بعض قلوب من كل معلوق
تاريخك الحافل بفعلك يجمّلك=في متحف اللوفر مصدق وموثوق
ياما جعلت شيوخ تمشي على السلك=سويت لك هيبه على كل مخلوق
وياما رويت السيف من دم عاذلك=ونشفت من مواجه رجاجيلك حلوق
ياما مسحت براحتك راس عايلك=وياما هديت المال والخيل والنوق
بالسيف الاحدب جبتها فوق اصايلك=ماجبتها بالمكر والدس والبوق
مايكمّل الحيله خدوعٍ يحايلك=الاوهو في قبضة اليد مزنوق
صفحة شرف سطرتها بسيف اناملك=في وقت من لايمحق الخصم ممحوق
ربعك حويطات وفخوره بمنزلك=فوق الثريا والثرى بفم ناهوق
ماإحنا بحاجه في مسلسل يأصلك=اشهم اعداك اللي شهد حق محقوق
والاركدش وابن العرب مايتجاهلك=وشعارها غنوا على كل طاروق
كنه لاجل المال انتج مسلسلك=يمكن يحطوا رزق من دون مرزوق
وان كان غار المي وتغير الفلك=خلها تموت الشجره اللي بلاعروق[/poem]