~ســؤالـــ~

سؤال يطرح على شاعرنا ابوريان

حيال أيش الفائدهـ من المقانيص..؟

أليكم مارد بهـ شاعرنا
7
7
7
سؤال في المجلس علينا يمره..
..ياليتهم ياصاحبي ماحكو به

يقول وش في القنص وش به مسرهـ..
..غير المتاعب والشقا في دروبه

يلــومني اللي ماتولــــــــع ببـــرهـ..
..اللي حياته في المدينه طروبـــه

برد الشتا والقيض ماجاه حرهـ..
..والليل لادك الرمس ماسروا بــه

ماغير فالأسواق جوله وفرهـ..
..متنعمن كنه بيوم الخطوبه

جنز وقميص فوق صدره يزرهـ..
..علم الرجال الطيبه مادروا به

وانا حياتي بين كـرهـ وكــرهـ..
..مره سهل وايام فيها صعوبه

وان جيت روضن فيه لصيد جرهـ..
..بعيد عالي مثلهم ماوطوا به

فيه البدن يطيح فاول مفرهـ..
..والجيب جاهز والنشاما اركبوا به

رجال تكاتفهم بخيره وشرهـ..
..عالطيب ودروب الردى مامشوا به

رجال برفقتهم تلاقي المسرهـ..
..ماعاشقوا المسرح ولا صفقوا به

الشاعر:: ابوريان ::