ياليـــــل قلي,,,,

[poem=font=",6,indigo,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياليل قلي اسمك الاصل ياليل=وبيّح لنا باسرارك الداخليه
اهل الهوى منك غدت كالمهابيل=والابري والناس تضحك عليه
قال اسمي الاحزان والهم والويل=يعرفني اللي جرب المر بيه
وكلي عنا مع غربله مع بهاديل=ويشهد لي سهيل وزحل والثريه
ومع كل ذا يقبل عليه مقابيل=بالليله الوحده يجي خمس ميه
ويشكو علىّ همومهم بالتفاصيل=كلٍ يقول جروح قلبي نديه
مايدروا اني طافحٍ مني الكيل=انا اسود وهم سوّدوها عليه
وظلمة سوادي تاخذ الهم وتشيل=وهم يحسبون اني لهم صيدليه
دموعهم ماتنمسح بالمناديل=لوهي بوادي ياعرب سال بيه
تكفون يااهل الحب يكفي بهاديل=ماعاد ابقبل من طرفكم شكيه
منكم نجومي تظهر شوي وتزيل=كني نهار وشمس ماهي مسيه
لوتعرضوا كل الشكاوي على النيل=لاسار نهر النيل نارٍ جحيه
مير اسمعوا يااهل الهوى يامعاميل=ماني لكم راعي ولاانتم رعيه
حمل الهوىشلته من ايام قابيل=انا قديمٍ به ولي اقدميه
اشيل حمل الناس وحدي ولااميل=وكثر العذاب الشين سيطر عليه
كني حمامه طايره فوقها فيل=حط الرسن فيها وشدّ الحويه
قامت ترفرف كنها في محابيل=تشكي دموع ودمعها صار ميه
والحين ماخاطب صويب الخلاخيل=اخاطب اللي مايشكا عليه
[/poem]

للشاعر:نايف مقبول العمراني