:: شبة الضو ::

[poem=font="Hesham Nagham,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

هب الهوا وتهيضت فيني أفكار =في حزة المغرب مع شبة الضو

ياما حلا الصفرا على صالي النار=والليل ساري والفكر هاطله نو

ودلالي بهار ِ ٍ بها ماهو بهار=قم ياسعد عدل لنا كيفنا سو

وانحى فوادي يمتثل زين الاشعار=لعيون من بحضورها تاكل الجو

مع رمشها بيحت مابي من اسرار=وشفاه جمر بصافي الريق تحلو

لامن بدت فزوا لها كبار وصغار=وان كان خبوا الغيرة اعجاب ٍ أبدوا

ولامن بدت لي نخ ماكان صبار=عيني مع لساني في الحال والتو

ريمية ٍ تلفح على الوجه بخمار=واليا لفحت راحوا عيوني ولا جو

قلت اشهد ان الموت والقبر والنار=حق وخطاوي رجلي تضيع في الدو

الجفن كسلان ٍ على الموق ستار=لو فز .. قلبي فز .. لكن متى ؟ ..لو

ماني بمحتار ٍ ليا جيت باختار=بين الحبيب وبين غيره ترا هو [/poem]

الشاعر / فهد الكناني