كل بنت بهالدنيا تقول أحب نصابه

هذي قصيدة للشاعر جابر هايف العتيبي وقد اعجبتني فيها العديد من الابيات القصيده اسمها نصابه
وجابر هايف اكثر قصائده كذا
ومن الشعراء اللي اسمع لهم
المهم اذا ما اعجبت احد اعتبروها شطحه مني

[poem=font="AF_Najed,6,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

خير وش صار إذا رحتي ودرب الكلب عالقصاب=مـصيـرك راجـعـه مـع درب ودى غـيرك وجـابـه
شنو يعني إذا رحتي من كذاب الى كذاب=شـنـو يعـني وغـيـر الكـاذبـه الـفـين كـذابـه
((على فكرة ترى النصاب ماينصب على نصاب=وكل بـنـت بهـا الـدنـيـا تـقـول احـب نـصـابـه))
أنا ماني غشيم احط ايدي في جحر هالداب=وصعبه مرتين الدغ بهذا الجحر ومن دابه

صحيح اني هواوي واعترف اني قتيل اهداب=ولـكـن مـن ذبـحـنـي بـالـهـدب نـتـفـت اهـدابـه
انا لا انكر اني حلوه لا انكر اني صح يالله آب=خطا ماعليش في هالبيت عذرا ننهي بآبه

وصرنا وين هواوي صح انا هاوي ولي احباب=صـبـر آســف مـو احـبـاب كـذا وحـده ولــعـابـه
وانا برضو على الحبليـن متمـيز بها الألعاب=أخـذت المـركـز الأول عـلى هـالجيـل بـالـعـابـه
أمشيهم على كيفي وخليها ذهاب أيـاب=ومـن يـذهـب عـلـى كـيفـي احـدد مـوعد ايـابه
أنـا كنت المعلم واشرح دروسي له الطلاب=وصرت الرمـز للـتـدريـس وللـتـعـليـم وطلابه
((مدام إن البشر من طين أو خلنا نقول تـراب=أنـا مـن جـيـت لـلـدنـيا أدوس الـطـيـن وتـرابـه))
انـا عـايش على هالآرض ولا فيها حسبت حساب=وربـي مـانـخـلـق لـلـيـوم شـخـص احـسـب حـسـابه
ولكن آه يالكن,,وكل شي ولـه اسباب =وانـا حـظي عـطـاني كـف وكـان الـعشق أسبـابـه
غـلط مني عشـقت وجيت اشيـل من الضلوع أحطاب=مـدام الـلي كـسرت صـدري مـعـاهـا فـاس وحـطـابـه
اخذت قلبي من ضلوعي وصاح الذنب للتواب=يـاربـي اغــفـر ذنـوبــي ونـفـس الـسـوء تـوابـه
سرقت من الوفاء مهره وطاحت وانكسر ركاب=وهـم قـالـوا عـلـى مـاقـيـل يعرف الـخيل ركابه
وانا خيـال ابن خيـال وراس الخيل مني شاب=على ظهر الأصايـل ماتركـت السيـف بجـرابـه
ولكن الزمـن خايـن وانـا ويـا الزمـان أصحـاب=غـدر بـي ولـيه يغـدر بـي وكـنت اعـز اصـحـابـه
يبـيــني لقـمـة سهـله عـلى المـخلاب والأنـيـاب=وقيـل ان لـم تـكن ذئبـا" بتاكـل لحـمـك ذيـابـه
وانا ماني عشير الذيب انا اللي قد اكلت ذياب=عليا تشهد نجوم السـمـاء والضلـع ومـرقـابـه
واذا كان الزمن مبسوط قبله مافرحت اشناب =ومن يطرق لباب الناس تطرق العرب بابه
انا ماجيت هي جتني وقالت اعشقك باعجاب=وانا كـلي فخـر بالشـعر والجمهور وأعجابه
((وقامت تحكي وتحكي وانا واقف بلا استيعاب=واراقـب عيـنهـا وشفـاتـها الـلي حيـل جـذابـه))
وتسئـلـني وتمـتم بالحكي مدري لساني ذاب=وحلقي ضاع وحنجرتي تخـنـق الـصوت مرتـابه
هنـا كانت بـدايـات الـغـلا للـمظـهر الـجـذاب=خدعـني شكـلـها رغـم ان هاللأشكـال تـتشابه
غلطت وجـيت من أقصاي وخانتني بعذر غيـاب=تـقـول الـلي يغـيـب أحـاول أتسـلى عـن غـيـابـه
((وقالت الوفـــى للكـلب وحنا لانصيـر كلاب=وهـي كـلبه وبنـت الكـلب خـانتــني مـع كـلابه))
وذكـرت الكلمه اللي قالها مره لي البواب=ترى كـل النـسـاء تخـون وأحـذر منهـم يـابـه
وخيـر وش صـار لـو طـارت وباقي في سماي أسراب=وراحـت قبـل لاتـعـشـى بـهـا لغـيـري تـغـدابـه
شعـار الحـب هات وخذ وانا من ياخذ ولا جاب=بعكس العكس أخـذ وهـات أخـاف أعطيـه وأبـلابـه
((حـسافـه هالقصـيده في غبـيـه مالها أعـراب=وانـا للشعـر فـي عيـني مكـان يصعـب اعرابـه))
قلبت الطاوله فوق الكراسي و روس هالكتاب=وخليت الشعر يعـرف مـدى قـدرات كتابه
أمــانه لارحـلت وصارت حروفي هنـا أغراب=أبـي واحــد يــردد قــصـة الــعـصفـور والـغـابـه
[/poem]

وهنا بالصوت للي يبي يسمعها

[rams]http://www.qassimy.com/nu/voicesm/2476.rm[/rams]