رد على قصيدة ( روووعه ) لنديم الشمال

[align=center]

ياكاتب(ن) أحلى أبياتك بغنجى ( دلوعه )

=

تضحك وأصل ضحكتها : مسندي أنت يالعون

فرحها ترسمه : ضحكة شفاه أقرب ربوعه

=

تضحك له : وهو بضحكتها مابين معجب ومفتون

اللي بقى لك : زمه وش حلوه متوعه

=

وماراح راح : إعتبر ولا تجرفك معه الظنون

أبسألك : وشلون ضلعٍ يطلع من ضلوعه ؟

=

دامها لوصله : واقفه بين صاين ومصيون

ماهو صدود : ولا يهد البيت كثرت إصدوعه

=

ترى : أصله قواعد لا يغرك صدع بجدار مدهون

بعض النفوس:شديدة ولو فتشت نفوسها طَوْعه

=

هذي عوايد لمن هم على القرب حرصٍ ويَصْلُوُن

السبع سبع (ن) ولا يشتكي لو طال جوعه

=

ومايشتكي لو طال جوعه وأصبح من الجوع مبطون

والحر : حرٍ . قرم ٍ وراسه يرفض خضوعه

=

مايخضع إلا لخالقه : كونه / صوره مابين كافٍ ونون

وترى مايضر الذيب لو كثرت إصروعه

=

ولو صيده من الفرايس سهلها وإلا أعتى القرون

ويامحلا الرجال لا كثرت من الدنيا مزوعه

=

نوب(ن) تشده ونوب(ن) تسحبه على المر مغبون

وياشين من أصبح بهالدنيا كثرانه خروعه
=

لأتفه سبايبها:من عواليها أصبح سافلٍ مهيون

ويسلم راس من رباني : نفسه عزيزة منوعه

=

عن سفاف الأمور ترفعه نفسه عن مخالط الدون

هذا ماعلمتني : صقرٍ ويامكثر سموعه

=

صناتٍ أسمع وأتعلم ماأنطق إلا بهرج موزون

وترى ياصاحبي مقصدك بالقول كثرت فجوعه

=

من مدح روعه كتبنا نوحٍ ومابقى إلا نكتب بغليون

< =======

ورائعه وأروع روائعها إنها روووعه

=

ياحظها : تنمدح بلسان شاعر سج أبياتها بأحلى فنون



المعذرة على تأخري يانديم الشمال . . . لظروف أنت تعلم بها . والمعذرة على إطالتي عليك بردي وكثرت أبياتي . . . وكم أتمنى أن يجاري ردي جمال أبياتك .
تقبل تحياتي . . .
[/align]